بقو ەكٸمٸنٸڭ ورىنباسارى ايدار نۇراليەۆ پەن باس مەملەكەتتٸك سانيتار دەرٸگەرٸ مۇحامعالي ارىسپاەۆ العاشقىلاردىڭ قاتارىندا كوروناۆيرۋسقا قارسى ەكپە سالدىردى, دەپ حابارلايدى "ۇلت اقپارات".
بٸر امپۋلا بەس ادامعا ەسەپتەلگەندٸكتەن, قالاداعى №1 ەمحانادا م.ارىسپاەۆ جەنە ا.نۇراليەۆپەن بٸرگە ٷش مەديتسينا قىزمەتكەرٸ ەكپە سالدىردى.
ولاردىڭ ەكەۋٸ وبلىستىق جۇقپالى اۋرۋلار اۋرۋحاناسىنا قىزمەتكە بارادى. بٸرەۋٸ ادامداردى سٷزگٸدەن ٶتكٸزەتٸن جەردە جۇمىس ٸستەيدٸ.
وبلىس ەكٸمٸنٸڭ ورىنباسارى ايدار نۇراليەۆ ادام ٶزٸنٸڭ ٶمٸرٸنە سەنٸمدٸ بولۋى ٷشٸن سىننان ٶتكەن ۆاكتسينادان قورىقپاۋ قاجەتتٸگٸن جەتكٸزدٸ.
م.ارىسپاەۆ ٸندەتتٸ جەڭۋ ٷشٸن ٶڭٸر تۇرعىندارىنىڭ باسىم كٶپشٸلٸگٸ ەكپە سالدىرۋى, سونىمەن قاتار ادامداردىڭ سانيتارلىق تالاپتاردى مٷلتٸكسٸز ساقتاۋى كەرەكتٸگٸن اتاپ ٶتتٸ.
بٷگٸننەن باستاپ ەمحانالارداعى 26 ەكپە پۋنكتٸندە رەسەيلٸك «سپۋتنيك V» ۆاكتسيناسى ەگٸلۋدە. 15 اقپاننان باستاپ قاراعاندى فارماتسەۆتيكالىق كەشەنٸ نەگٸزٸندە شىعارىلعان Gam-COVID-ۆaك ۆاكتسيناسى قوسىلادى. ال بيىلعى ەكٸنشٸ توقساننان باستاپ وتاندىق QazCovid-In پرەپاراتىن ٸسكە قوسۋ كٶزدەلۋدە.
