Tótenshe jaǵdai rejiminiń engizilýine bailanysty elimizdegi áleýmettik-ekonomikalyq jaǵdaidy qalpyna keltirý is-sharalary aiasynda kásipkerlikti qoldaý úshin 2022 jyldyń aqpanyna deiin baqylaý is-sharalary ýaqytsha toqtatyldy. Bul týraly QR Qarjy ministrliginiń Memlekettik kirister komitetinen málim etti, dep habarlaidy QazAqparat.
«2022 jylǵy 1 aqpanǵa deiin memlekettik kirister organdarymen bastalǵan jáne uiymdastyrylatyn salyqtyq jáne kedendik tekserýlerdi, sonymen birge taýarlar shyqqannan keiingi kedendik jáne basqa qujattar men málimetterdi tekserýler ýaqytsha toqtatyldy. Osylaisha, 1 aqpanǵa deiin memlekettik kirister organdarymen bastalǵan barlyq tekserýler toqtatylady», - delingen komitet aqparatynda.
Sonymen birge, komitet málimetinshe, atalǵan merzimge deiin memlekettik kirister organdarymen quqyq qorǵaý organdarymen, óz qyzmetterine qatysty kásipkerlik sýbektileriniń aryzdary boiynsha taǵaiyndalatyn tekserýlerdi qospaǵanda jańa tekserýlerdi taǵaiyndalmaidy.
Munan bólek, 2022 jylǵy 1 aqpanǵa deiin memlekettik kirister organdary kameraldyq baqylaý júrgizýdi, sondai-aq onyń nátijeleri boiynsha kameraldyq baqylaý boiynsha habarlamalar men salyq zańnamasyn buzýshylyqtardy joiý týraly habarlamalardy qalyptastyrýdy ýaqytsha toqtatty.
