تٶتەنشە جاعداي رەجيمٸنٸڭ ەنگٸزٸلۋٸنە بايلانىستى ەلٸمٸزدەگٸ ەلەۋمەتتٸك-ەكونوميكالىق جاعدايدى قالپىنا كەلتٸرۋ ٸس-شارالارى اياسىندا كەسٸپكەرلٸكتٸ قولداۋ ٷشٸن 2022 جىلدىڭ اقپانىنا دەيٸن باقىلاۋ ٸس-شارالارى ۋاقىتشا توقتاتىلدى. بۇل تۋرالى قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنەن مەلٸم ەتتٸ, دەپ حابارلايدى قازاقپارات.
«2022 جىلعى 1 اقپانعا دەيٸن مەملەكەتتٸك كٸرٸستەر ورگاندارىمەن باستالعان جەنە ۇيىمداستىرىلاتىن سالىقتىق جەنە كەدەندٸك تەكسەرۋلەردٸ, سونىمەن بٸرگە تاۋارلار شىققاننان كەيٸنگٸ كەدەندٸك جەنە باسقا قۇجاتتار مەن مەلٸمەتتەردٸ تەكسەرۋلەر ۋاقىتشا توقتاتىلدى. وسىلايشا, 1 اقپانعا دەيٸن مەملەكەتتٸك كٸرٸستەر ورگاندارىمەن باستالعان بارلىق تەكسەرۋلەر توقتاتىلادى», - دەلٸنگەن كوميتەت اقپاراتىندا.
سونىمەن بٸرگە, كوميتەت مەلٸمەتٸنشە, اتالعان مەرزٸمگە دەيٸن مەملەكەتتٸك كٸرٸستەر ورگاندارىمەن قۇقىق قورعاۋ ورگاندارىمەن, ٶز قىزمەتتەرٸنە قاتىستى كەسٸپكەرلٸك سۋبەكتٸلەرٸنٸڭ ارىزدارى بويىنشا تاعايىندالاتىن تەكسەرۋلەردٸ قوسپاعاندا جاڭا تەكسەرۋلەردٸ تاعايىندالمايدى.
مۇنان بٶلەك, 2022 جىلعى 1 اقپانعا دەيٸن مەملەكەتتٸك كٸرٸستەر ورگاندارى كامەرالدىق باقىلاۋ جٷرگٸزۋدٸ, سونداي-اق ونىڭ نەتيجەلەرٸ بويىنشا كامەرالدىق باقىلاۋ بويىنشا حابارلامالار مەن سالىق زاڭناماسىن بۇزۋشىلىقتاردى جويۋ تۋرالى حابارلامالاردى قالىپتاستىرۋدى ۋاقىتشا توقتاتتى.
