Biznes pen memleket arasyndaǵy qarym-qatynas tolyǵymen tsifrlyq formatqa, iaǵni qarym-qatynassyz júiege kóshedi. Bul týraly búgin QR Prezidenti Qasym-Jomart Toqaev Tótenshe jaǵdai rejimin qamtamasyz etý jónindegi memlekettik komissiianyń otyrysynda málim etti, dep habarlaidy QazAqparat.
«Pandemiiadan keiingi jaǵdaidy paiymdaýǵa sáikes jańa amal-ádister engiziledi. Jumysty qashyqtan isteýdiń sátti formaty mańyzdy memlekettik sheshimdi qabyldaýda jańa tehnologiialardy qoldanýdyń qajettigin kórsetti. Qalyptasyp qalǵan jańashyldyq retinde Úkimettiń, ministrlikter men ákimdikterdiń otyrysy men keńesin barynsha qashyqtan júrgizý formatynda ótkizýdi usynamyn. Qajetsiz sharalardy, maquldaýdy, ýaqyt pen aqshany orynsyz ketirý formatynan alyp tastaý kerek», - dedi Prezident.
«Bizge shuǵyl ári jedel sheshim qabyldaityn, jaǵdaidyń qubylýyna jaýap bere alatyn jańartylǵan, tiimdi ári tyǵyz memlekettik apparat kerek. Memlekettik damý institýttarynyń reformasy jalǵasady. Meniń halyqqa joldaǵan Joldaýymdy júzege asyrý aiasynda olardyń qurylymdaryn reformalaý, mindetteri men maqsattaryn aiqyndaý jumysy jalǵasady. Fýnktsiialardyń keibiriniń qosarlanýy, jekeshelendirýdiń keibir suraqtary, otandyq kásipkerlerdiń kvazimemlekettik sektordaǵy satyp alýǵa qoljetimdiligi sekildi máselelerdi sońyna deiin sheshý kerek», - dedi Prezident.
Qasym-Jomart Toqaev elektrondy Úkimet tujyrymdamasyn qaita taldap, keńes, anyqtama alý, ótinim berý operatsiialarynyń bárin tolyǵymen onlain rejimge kóshirý, al «egov» tilin halyqqa qarapaiym ári túsinikti bolatyndai etýdi júktedi.
«Biznes pen memleket arasyndaǵy qarym-qatynas tolyǵymen tsifrlyq formatqa, iaǵni qarym-qatynassyz júiege kóshedi. Osy maqsatta memlekettik qyzmet alýdyń protsesteriniń bárin tsifrlandyrý jumysy aiaqtalady. Ekonomika men qoǵamdy tsifrlandyrý protsesteriniń bárine jańa serpin berýdiń mańyzy zor», - dep túidi Memleket basshysy.
