بيزنەس پەن مەملەكەت اراسىنداعى قارىم-قاتىناس تولىعىمەن تسيفرلىق فورماتقا, ياعني قارىم-قاتىناسسىز جٷيەگە كٶشەدٸ. بۇل تۋرالى بٷگٸن قر پرەزيدەنتٸ قاسىم-جومارت توقاەۆ تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ وتىرىسىندا مەلٸم ەتتٸ, دەپ حابارلايدى قازاقپارات.
«پاندەمييادان كەيٸنگٸ جاعدايدى پايىمداۋعا سەيكەس جاڭا امال-ەدٸستەر ەنگٸزٸلەدٸ. جۇمىستى قاشىقتان ٸستەۋدٸڭ سەتتٸ فورماتى ماڭىزدى مەملەكەتتٸك شەشٸمدٸ قابىلداۋدا جاڭا تەحنولوگييالاردى قولدانۋدىڭ قاجەتتٸگٸن كٶرسەتتٸ. قالىپتاسىپ قالعان جاڭاشىلدىق رەتٸندە ٷكٸمەتتٸڭ, مينيسترلٸكتەر مەن ەكٸمدٸكتەردٸڭ وتىرىسى مەن كەڭەسٸن بارىنشا قاشىقتان جٷرگٸزۋ فورماتىندا ٶتكٸزۋدٸ ۇسىنامىن. قاجەتسٸز شارالاردى, ماقۇلداۋدى, ۋاقىت پەن اقشانى ورىنسىز كەتٸرۋ فورماتىنان الىپ تاستاۋ كەرەك», - دەدٸ پرەزيدەنت.
«بٸزگە شۇعىل ەرٸ جەدەل شەشٸم قابىلدايتىن, جاعدايدىڭ قۇبىلۋىنا جاۋاپ بەرە الاتىن جاڭارتىلعان, تيٸمدٸ ەرٸ تىعىز مەملەكەتتٸك اپپارات كەرەك. مەملەكەتتٸك دامۋ ينستيتۋتتارىنىڭ رەفورماسى جالعاسادى. مەنٸڭ حالىققا جولداعان جولداۋىمدى جٷزەگە اسىرۋ اياسىندا ولاردىڭ قۇرىلىمدارىن رەفورمالاۋ, مٸندەتتەرٸ مەن ماقساتتارىن ايقىنداۋ جۇمىسى جالعاسادى. فۋنكتسييالاردىڭ كەيبٸرٸنٸڭ قوسارلانۋى, جەكەشەلەندٸرۋدٸڭ كەيبٸر سۇراقتارى, وتاندىق كەسٸپكەرلەردٸڭ كۆازيمەملەكەتتٸك سەكتورداعى ساتىپ الۋعا قولجەتٸمدٸلٸگٸ سەكٸلدٸ مەسەلەلەردٸ سوڭىنا دەيٸن شەشۋ كەرەك», - دەدٸ پرەزيدەنت.
قاسىم-جومارت توقاەۆ ەلەكتروندى ٷكٸمەت تۇجىرىمداماسىن قايتا تالداپ, كەڭەس, انىقتاما الۋ, ٶتٸنٸم بەرۋ وپەراتسييالارىنىڭ بەرٸن تولىعىمەن ونلاين رەجيمگە كٶشٸرۋ, ال «egov» تٸلٸن حالىققا قاراپايىم ەرٸ تٷسٸنٸكتٸ بولاتىنداي ەتۋدٸ جٷكتەدٸ.
«بيزنەس پەن مەملەكەت اراسىنداعى قارىم-قاتىناس تولىعىمەن تسيفرلىق فورماتقا, ياعني قارىم-قاتىناسسىز جٷيەگە كٶشەدٸ. وسى ماقساتتا مەملەكەتتٸك قىزمەت الۋدىڭ پروتسەستەرٸنٸڭ بەرٸن تسيفرلاندىرۋ جۇمىسى اياقتالادى. ەكونوميكا مەن قوعامدى تسيفرلاندىرۋ پروتسەستەرٸنٸڭ بەرٸنە جاڭا سەرپٸن بەرۋدٸڭ ماڭىزى زور», - دەپ تٷيدٸ مەملەكەت باسشىسى.
