Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qazir ózekti bop otqan maining óndirisiniń eldegi energetikalyq júiege tiigizip jatqan keri áseri týraly pikir bildirdi, dep habarlaidy "Ult aqparat".
«Sońǵy ýaqytta aqparattyq keńistikte maining máselesi jii talqylanyp jatyr. Bizdiń energojúiege "sur mainerler" zardaby tiip otyr. Qazir zańsyz mainingtiń energoshyǵyny 1 gigavattan (GVt) asady eken. Bul oraida qalyptasqan "sur naryqtyń" energojúiege túsirip jatqan aýyrtpalyǵy men ziianyn dál baǵamdaý ońai emes», - deidi ministr.
Sonymen qatar ol maining óndirisinen salyq alyný kerek degen ustanymdy qoldaitynyn aitady.
«Bastysy, bul kásipke de salyq salynýy tiis. "Sur maining" - bul ekonomikalyq qylmys, salyq tóleýden jaltarý! Al qylmys jasaǵandar jaýapqa tartylýy tiis. Eger sizderde "sur mainerlerdiń" lokatsiiasy týraly aqparat bolsa, myna elektrondyq mekenjailarǵa habarlama jiberýlerińizdi (jasyryn túrde habarlaýǵa bolady) suraimyz:
b.galimzhan@mdai.gov.kz
e.smailov@mdai.gov.kz
a.ibraev@mdai.gov.kz
Kórsetilgen lokatsiialar boiynsha tekserýler júrgizilip, tiisti sheshimder qabyldanady. Sondai-aq kóleńkeli tustan shyǵyp, zańdy mainerge ainalýdy qalaǵan kisilerge áriptesterim kásibi keńes bere alady», - dep jazady Mýsin.
