تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين قازٸر ٶزەكتٸ بوپ وتقان ماينينگ ٶندٸرٸسٸنٸڭ ەلدەگٸ ەنەرگەتيكالىق جٷيەگە تيٸگٸزٸپ جاتقان كەرٸ ەسەرٸ تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«سوڭعى ۋاقىتتا اقپاراتتىق كەڭٸستٸكتە ماينينگ مەسەلەسٸ جيٸ تالقىلانىپ جاتىر. بٸزدٸڭ ەنەرگوجٷيەگە "سۇر ماينەرلەر" زاردابى تيٸپ وتىر. قازٸر زاڭسىز ماينينگتٸڭ ەنەرگوشىعىنى 1 گيگاۆاتتان (گۆت) اسادى ەكەن. بۇل ورايدا قالىپتاسقان "سۇر نارىقتىڭ" ەنەرگوجٷيەگە تٷسٸرٸپ جاتقان اۋىرتپالىعى مەن زييانىن دەل باعامداۋ وڭاي ەمەس», - دەيدٸ مينيستر.
سونىمەن قاتار ول ماينينگ ٶندٸرٸسٸنەن سالىق الىنۋ كەرەك دەگەن ۇستانىمدى قولدايتىنىن ايتادى.
«باستىسى, بۇل كەسٸپكە دە سالىق سالىنۋى تيٸس. "سۇر ماينينگ" - بۇل ەكونوميكالىق قىلمىس, سالىق تٶلەۋدەن جالتارۋ! ال قىلمىس جاساعاندار جاۋاپقا تارتىلۋى تيٸس. ەگەر سٸزدەردە "سۇر ماينەرلەردٸڭ" لوكاتسيياسى تۋرالى اقپارات بولسا, مىنا ەلەكتروندىق مەكەنجايلارعا حابارلاما جٸبەرۋلەرٸڭٸزدٸ (جاسىرىن تٷردە حابارلاۋعا بولادى) سۇرايمىز:
b.galimzhan@mdai.gov.kz
e.smailov@mdai.gov.kz
a.ibraev@mdai.gov.kz
كٶرسەتٸلگەن لوكاتسييالار بويىنشا تەكسەرۋلەر جٷرگٸزٸلٸپ, تيٸستٸ شەشٸمدەر قابىلدانادى. سونداي-اق كٶلەڭكەلٸ تۇستان شىعىپ, زاڭدى ماينەرگە اينالۋدى قالاعان كٸسٸلەرگە ەرٸپتەستەرٸم كەسٸبي كەڭەس بەرە الادى», - دەپ جازادى مۋسين.
