Resei Prezidenti Vladimir Pýtin Reseidiń Qytaimen, postkeńestik memlekettermen ekonomikalyq bailanysyn keńeitýge múmkindik beretin infraqurylym jetkiliksiz ekenin moiyndady. Kórshi el basshysy osy máseleni sheshý qajet ekenin atap ótti, dep habarlaidy "Ult aqparat" TASS agenttigine silteme jasap.
Jyl saiynǵy úlken baspasóz konferentsiiasynda Pýtinge Samara oblysyndaǵy Edil ózenine salynyp jatqan kópir týraly suraq qoiyldy.
«Bul joba memleketaralyq yntymaqtastyqty nyǵaitýda mańyzdy ról atqarady, óitkeni Qytaimen aradaǵy taýar ainalymy ósip jatqanyna qaramastan, bizdiń Keńes odaǵyndaǵy burynǵy týysqan memlekettermen, qazirgi táýelsiz eldermen aradaǵy taýar ainalymy óte úlken ekenine qaramastan, infraqurylym jetkilikti damymai otyrǵany anyq», - dedi RF prezidenti.
«Biz ókinishke qarai, bul jaǵynan qazaqstandyq dostarymyzdan kishkene qalyp qoidyq. Olar Qytaiǵa aparatyn joldyń ózderine tiesili bóligin salyp bitirdi, biz jol salý jumysyn qolǵa alýǵa tiispiz», - dep atap ótti memleket basshysy.
Ol bul jumystyń mindetti túrde iske asatynyna sendirdi.
