رەسەي پرەزيدەنتٸ ۆلاديمير پۋتين رەسەيدٸڭ قىتايمەن, پوستكەڭەستٸك مەملەكەتتەرمەن ەكونوميكالىق بايلانىسىن كەڭەيتۋگە مٷمكٸندٸك بەرەتٸن ينفراقۇرىلىم جەتكٸلٸكسٸز ەكەنٸن مويىندادى. كٶرشٸ ەل باسشىسى وسى مەسەلەنٸ شەشۋ قاجەت ەكەنٸن اتاپ ٶتتٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
جىل سايىنعى ٷلكەن باسپاسٶز كونفەرەنتسيياسىندا پۋتينگە سامارا وبلىسىنداعى ەدٸل ٶزەنٸنە سالىنىپ جاتقان كٶپٸر تۋرالى سۇراق قويىلدى.
«بۇل جوبا مەملەكەتارالىق ىنتىماقتاستىقتى نىعايتۋدا ماڭىزدى رٶل اتقارادى, ٶيتكەنٸ قىتايمەن اراداعى تاۋار اينالىمى ٶسٸپ جاتقانىنا قاراماستان, بٸزدٸڭ كەڭەس وداعىنداعى بۇرىنعى تۋىسقان مەملەكەتتەرمەن, قازٸرگٸ تەۋەلسٸز ەلدەرمەن اراداعى تاۋار اينالىمى ٶتە ٷلكەن ەكەنٸنە قاراماستان, ينفراقۇرىلىم جەتكٸلٸكتٸ دامىماي وتىرعانى انىق», - دەدٸ رف پرەزيدەنتٸ.
«بٸز ٶكٸنٸشكە قاراي, بۇل جاعىنان قازاقستاندىق دوستارىمىزدان كٸشكەنە قالىپ قويدىق. ولار قىتايعا اپاراتىن جولدىڭ ٶزدەرٸنە تيەسٸلٸ بٶلٸگٸن سالىپ بٸتٸردٸ, بٸز جول سالۋ جۇمىسىن قولعا الۋعا تيٸسپٸز», - دەپ اتاپ ٶتتٸ مەملەكەت باسشىسى.
ول بۇل جۇمىستىڭ مٸندەتتٸ تٷردە ٸسكە اساتىنىنا سەندٸردٸ.
