Foto: Almaty ákimdiginiń baspasóz qyzmeti
Buǵan deiin apatty jáne úsh aýysymdy mektepter máselesin sheshý úshin Bilim berý infraqurylymyn qoldaý qorynyń esebinen 76 738 orynǵa arnalǵan 62 mekteptiń qurylysy qarjylandyryldy. Onyń ishinde búgingi tańda 37 mektep iske qosyldy, dep habarlaidy «Ult aqparat» QR Oqý-aǵartý ministrliginiń baspasóz qyzmetine silteme jasap.
Bilim berý nysandaryn iske qosý nátijesinde óńirlerde 48 myń jańa oqýshy orny paidalanýǵa berildi. Kópshiligi iri megapolisterde jáne olarǵa jaqyn aglomeratsiialarda ornalasqan.
«Qor Qazaqstannyń bilim berý salasyndaǵy jobalardy iske asyrý boiynsha belsendi jumysty jalǵastyrýda. Prezidenttiń tapsyrmasy boiynsha qurylǵan qordyń qyzmeti mektepter, olarǵa qosymsha qurylys nysandaryn, internattar salý, rekonstrýktsiialaý arqyly úsh aýysymdy, apatty mektepter men oqýshy ornynyń jetispeýshiligin joiýǵa baǵyttalǵan. Osy jyly 28 myń oqýshy ornyna arnalǵan taǵy 25 mektepti iske qosý josparlanýda», – dep atap ótti infraqurylymdy damytý departamenti direktorynyń m.a. Marlen Qasenov.
Esterińizge sala keteiik, osy jyldyń basynda Bilim berý infraqurylymyn qoldaý qorynyń qarajaty esebinen shamamen 15 myń oryndyq taǵy 20 jańa mektep salynatyny belgili boldy. Olar paidalanýǵa 2025 jyly beriledi dep kútilýde.
