فوتو: الماتى ەكٸمدٸگٸنٸڭ باسپاسٶز قىزمەتٸ
بۇعان دەيٸن اپاتتى جەنە ٷش اۋىسىمدى مەكتەپتەر مەسەلەسٸن شەشۋ ٷشٸن بٸلٸم بەرۋ ينفراقۇرىلىمىن قولداۋ قورىنىڭ ەسەبٸنەن 76 738 ورىنعا ارنالعان 62 مەكتەپتٸڭ قۇرىلىسى قارجىلاندىرىلدى. ونىڭ ٸشٸندە بٷگٸنگٸ تاڭدا 37 مەكتەپ ٸسكە قوسىلدى, دەپ حابارلايدى «ۇلت اقپارات» قر وقۋ-اعارتۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
بٸلٸم بەرۋ نىساندارىن ٸسكە قوسۋ نەتيجەسٸندە ٶڭٸرلەردە 48 مىڭ جاڭا وقۋشى ورنى پايدالانۋعا بەرٸلدٸ. كٶپشٸلٸگٸ ٸرٸ مەگاپوليستەردە جەنە ولارعا جاقىن اگلومەراتسييالاردا ورنالاسقان.
«قور قازاقستاننىڭ بٸلٸم بەرۋ سالاسىنداعى جوبالاردى ٸسكە اسىرۋ بويىنشا بەلسەندٸ جۇمىستى جالعاستىرۋدا. پرەزيدەنتتٸڭ تاپسىرماسى بويىنشا قۇرىلعان قوردىڭ قىزمەتٸ مەكتەپتەر, ولارعا قوسىمشا قۇرىلىس نىساندارىن, ينتەرناتتار سالۋ, رەكونسترۋكتسييالاۋ ارقىلى ٷش اۋىسىمدى, اپاتتى مەكتەپتەر مەن وقۋشى ورنىنىڭ جەتٸسپەۋشٸلٸگٸن جويۋعا باعىتتالعان. وسى جىلى 28 مىڭ وقۋشى ورنىنا ارنالعان تاعى 25 مەكتەپتٸ ٸسكە قوسۋ جوسپارلانۋدا», – دەپ اتاپ ٶتتٸ ينفراقۇرىلىمدى دامىتۋ دەپارتامەنتٸ ديرەكتورىنىڭ م.ا. مارلەن قاسەنوۆ.
ەستەرٸڭٸزگە سالا كەتەيٸك, وسى جىلدىڭ باسىندا بٸلٸم بەرۋ ينفراقۇرىلىمىن قولداۋ قورىنىڭ قاراجاتى ەسەبٸنەن شامامەن 15 مىڭ ورىندىق تاعى 20 جاڭا مەكتەپ سالىناتىنى بەلگٸلٸ بولدى. ولار پايدالانۋعا 2025 جىلى بەرٸلەدٸ دەپ كٷتٸلۋدە.
