3 qazan kúni elimizdiń barlyq mektepterinde ekologiialyq saǵat ótkiziledi. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy "Ult aqparat".
«3 qazanda elimizdiń barlyq mektepterinde ekologiialyq saǵat ótkizemiz. Oǵan úkimet músheleri, barlyq deńgeidegi ákimder qatysady. Bul ekologiialyq saǵattyń basty maqsaty – balalarymyzdy ekologiialyq baǵytta tálim-tárbie berý. Ol jylyna 3-4 ret ótkiziletin bolady. Ekologiialyq saǵatty ótkizgennen keiin balalarmen birge mektep ýchaskesinde aǵash otyrǵyzý naýqanyn ótkizemiz. Bizdiń esebimiz boiynsha osy naýqan barysynda 200 myńǵa jýyq aǵash otyrǵyzylady. Bul eń aldymen balalarymyzdy tabiǵat pen ekologiialyq ahýalǵa janashyrlyqpen qaraýǵa beiimdeý úshin júrgiziledi», - dedi ministr ekologiialyq kodeksti talqylaýǵa arnalǵan shara aiasynda.
Sonymen qatar, ol 12 qazan kúni aǵash egýge baǵyttalǵan respýblikalyq aktsiianyń ótetindigin aitty.
«12 qazan kúni biz aǵash otyrǵyzýǵa baǵyttalǵan jalpy respýblikalyq aktsiia ótkizýdi josparlap otyrmyz. Tolyqtai alǵan, kúzdiń sońyna deiin respýblikada 1 millionǵa deiin aǵash otyrǵyzylady dep kútemiz», - dedi M.Myrzaǵaliev.
