3 قازان كٷنٸ ەلٸمٸزدٸڭ بارلىق مەكتەپتەرٸندە ەكولوگييالىق ساعات ٶتكٸزٸلەدٸ. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«3 قازاندا ەلٸمٸزدٸڭ بارلىق مەكتەپتەرٸندە ەكولوگييالىق ساعات ٶتكٸزەمٸز. وعان ٷكٸمەت مٷشەلەرٸ, بارلىق دەڭگەيدەگٸ ەكٸمدەر قاتىسادى. بۇل ەكولوگييالىق ساعاتتىڭ باستى ماقساتى – بالالارىمىزدى ەكولوگييالىق باعىتتا تەلٸم-تەربيە بەرۋ. ول جىلىنا 3-4 رەت ٶتكٸزٸلەتٸن بولادى. ەكولوگييالىق ساعاتتى ٶتكٸزگەننەن كەيٸن بالالارمەن بٸرگە مەكتەپ ۋچاسكەسٸندە اعاش وتىرعىزۋ ناۋقانىن ٶتكٸزەمٸز. بٸزدٸڭ ەسەبٸمٸز بويىنشا وسى ناۋقان بارىسىندا 200 مىڭعا جۋىق اعاش وتىرعىزىلادى. بۇل ەڭ الدىمەن بالالارىمىزدى تابيعات پەن ەكولوگييالىق احۋالعا جاناشىرلىقپەن قاراۋعا بەيٸمدەۋ ٷشٸن جٷرگٸزٸلەدٸ», - دەدٸ مينيستر ەكولوگييالىق كودەكستٸ تالقىلاۋعا ارنالعان شارا اياسىندا.
سونىمەن قاتار, ول 12 قازان كٷنٸ اعاش ەگۋگە باعىتتالعان رەسپۋبليكالىق اكتسييانىڭ ٶتەتٸندٸگٸن ايتتى.
«12 قازان كٷنٸ بٸز اعاش وتىرعىزۋعا باعىتتالعان جالپى رەسپۋبليكالىق اكتسييا ٶتكٸزۋدٸ جوسپارلاپ وتىرمىز. تولىقتاي العان, كٷزدٸڭ سوڭىنا دەيٸن رەسپۋبليكادا 1 ميلليونعا دەيٸن اعاش وتىرعىزىلادى دەپ كٷتەمٸز», - دەدٸ م.مىرزاعاليەۆ.
