Biyl qańtar-qyrkúiekte elimizge 11 myń adam kelgen. Bul ótken jyldyń 9 aiymen salystyrǵanda bir jarym ese artyq, dep habarlaidy QazAqparat.
Ranking.kz portalynyń dereginshe, óńirler boiynsha kelgenderdiń basym bóligi Mańǵystaý oblysyna turaqtaǵan: 2,4 myń adam, bir jylda 53,9 paiyzǵa kóbeigen.
Odan keiin Almaty (2,1 myń adam, 67,1% kóbeigen) jáne Almaty oblysy (1,4 myń adam, 8,4 ese kóbeigen) tur.
Kelgender eń az qonystanǵan óńir Qyzylorda oblysy: jyl basynan beri nebári 12 adam keldi, bir jyl buryn 7 adam ǵana bolǵan.
Qaraǵandy oblysynan kóp adam ketken: 2,5 myń — bir jyl burynǵydan 31,5 paiyzǵa az.
Odan keiingi orynda - Qostanai (2,4 myń adam, 6% azaiǵan) jáne Pavlodar (2,3 myń adam, 14,8% azaiǵan) oblystary.
Eń az adam Qyzylorda oblysynan ketken: bar bolǵany 42, bir jyl burynǵydan 28,8 paiyz azaiǵan.
Biyl elimizge 989 tehnikalyq, 516-sy ekonomikalyq, 351-i pedagogikalyq, 219-y meditsinalyq, 130-y zańgerlik, 106-sy sáýlet-qurylys, 70 aýyl sharýashylyǵy mamandary kelgen.
Elimizden ketkenderdiń ishinde 3,5 myń adam tehnikalyq, 1,6 myńy ekonomikalyq, 1 myńy pedagogikalyq, 542-i meditsinalyq, 378-i zańgerlik, 218-i sáýlet-qurylys óneri, 159-y aýyl sharýashylyǵy mamandyǵyn alǵan.
Biyl Ózbekstannan kelgender sany basym: 4,8 myń adam — bir jyl burynǵydan birden 88,8 paiyz artyq.
Ekinshi jáne úshinshi orynda Resei men Túrikmenstan tur. Úzdik bestikke Qyrǵyzstan men Qytai da kiredi.
Qazaqstannan Reseige ketkenderdiń qarasy qalyń: 16,6 myń adam — bir jyl burynǵydan 21,4 paiyz az.
Odan keiin Germaniia, AQSh, Polsha jáne Ózbekstan aldyńǵy orynda.
