بيىل قاڭتار-قىركٷيەكتە ەلٸمٸزگە 11 مىڭ ادام كەلگەن. بۇل ٶتكەن جىلدىڭ 9 ايىمەن سالىستىرعاندا بٸر جارىم ەسە ارتىق, دەپ حابارلايدى قازاقپارات.
Ranking.kz پورتالىنىڭ دەرەگٸنشە, ٶڭٸرلەر بويىنشا كەلگەندەردٸڭ باسىم بٶلٸگٸ ماڭعىستاۋ وبلىسىنا تۇراقتاعان: 2,4 مىڭ ادام, بٸر جىلدا 53,9 پايىزعا كٶبەيگەن.
ودان كەيٸن الماتى (2,1 مىڭ ادام, 67,1% كٶبەيگەن) جەنە الماتى وبلىسى (1,4 مىڭ ادام, 8,4 ەسە كٶبەيگەن) تۇر.
كەلگەندەر ەڭ از قونىستانعان ٶڭٸر قىزىلوردا وبلىسى: جىل باسىنان بەرٸ نەبەرٸ 12 ادام كەلدٸ, بٸر جىل بۇرىن 7 ادام عانا بولعان.
قاراعاندى وبلىسىنان كٶپ ادام كەتكەن: 2,5 مىڭ — بٸر جىل بۇرىنعىدان 31,5 پايىزعا از.
ودان كەيٸنگٸ ورىندا - قوستاناي (2,4 مىڭ ادام, 6% ازايعان) جەنە پاۆلودار (2,3 مىڭ ادام, 14,8% ازايعان) وبلىستارى.
ەڭ از ادام قىزىلوردا وبلىسىنان كەتكەن: بار بولعانى 42, بٸر جىل بۇرىنعىدان 28,8 پايىز ازايعان.
بيىل ەلٸمٸزگە 989 تەحنيكالىق, 516-سى ەكونوميكالىق, 351-ٸ پەداگوگيكالىق, 219-ى مەديتسينالىق, 130-ى زاڭگەرلٸك, 106-سى سەۋلەت-قۇرىلىس, 70 اۋىل شارۋاشىلىعى ماماندارى كەلگەن.
ەلٸمٸزدەن كەتكەندەردٸڭ ٸشٸندە 3,5 مىڭ ادام تەحنيكالىق, 1,6 مىڭى ەكونوميكالىق, 1 مىڭى پەداگوگيكالىق, 542-ٸ مەديتسينالىق, 378-ٸ زاڭگەرلٸك, 218-ٸ سەۋلەت-قۇرىلىس ٶنەرٸ, 159-ى اۋىل شارۋاشىلىعى ماماندىعىن العان.
بيىل ٶزبەكستاننان كەلگەندەر سانى باسىم: 4,8 مىڭ ادام — بٸر جىل بۇرىنعىدان بٸردەن 88,8 پايىز ارتىق.
ەكٸنشٸ جەنە ٷشٸنشٸ ورىندا رەسەي مەن تٷرٸكمەنستان تۇر. ٷزدٸك بەستٸككە قىرعىزستان مەن قىتاي دا كٸرەدٸ.
قازاقستاننان رەسەيگە كەتكەندەردٸڭ قاراسى قالىڭ: 16,6 مىڭ ادام — بٸر جىل بۇرىنعىدان 21,4 پايىز از.
ودان كەيٸن گەرمانييا, اقش, پولشا جەنە ٶزبەكستان الدىڭعى ورىندا.
