- Biyl Astanada Jańa jyl merekesine arnalǵan bas shyrsha Táýelsizdik kúninen keiin, 18 jeltoqsan kúni jaǵylady, dep habarlaidy "Ult aqparat".
«Biyl bas shyrsha «Han shatyr» oiyn-saýyq ortalyǵynyń janynda ornalasady. Shyrsha 18 jeltoqsan kúni janady», dep habarlady Astana qalasy ákiminiń baspasóz qyzmeti.
Jyl saiyn shyrsha 1 jeltoqsan kúni Elbasy Nursultan Nazarbaevtyń qatysýymen janatyn. Biyl Táýelsizdiktiń 25 jyldyǵyna orai, qala aldymen táýelsizdik merekesine daiyndalyp jatyr.
Astana qalalyq Mádeniet basqarmasynan habarlaǵandai, elordada Jańa jyl merekesine orai barlyǵy 17 shyrsha ornatylyp, tórt muz qalashyǵy boi kóteredi. Bir ǵana Esil aýdany men Úrker, Qalamańy turǵyn alqaptarynda 10 jańajyldyq shyrsha ornatý josparlanǵan.
Biylǵy jańajyldyq bezendirýdiń basty nyshany - Taýyq qana emes, elimizdiń basty oqiǵasy - EKSPO kórmesi de bolady. Aita keteiik, Astanada ashyq aspan astyndaǵy eń úlken muz aidyny «Arai» saiabaǵynda salynýda. 250 adamǵa arnalǵan muz aidynynyń jalpy aýmaǵy - 5 myń sharshy metr.
.jpeg)