- بيىل استانادا جاڭا جىل مەرەكەسٸنە ارنالعان باس شىرشا تەۋەلسٸزدٸك كٷنٸنەن كەيٸن, 18 جەلتوقسان كٷنٸ جاعىلادى, دەپ حابارلايدى "ۇلت اقپارات".
«بيىل باس شىرشا «حان شاتىر» ويىن-ساۋىق ورتالىعىنىڭ جانىندا ورنالاسادى. شىرشا 18 جەلتوقسان كٷنٸ جانادى», دەپ حابارلادى استانا قالاسى ەكٸمٸنٸڭ باسپاسٶز قىزمەتٸ.
جىل سايىن شىرشا 1 جەلتوقسان كٷنٸ ەلباسى نۇرسۇلتان نازارباەۆتىڭ قاتىسۋىمەن جاناتىن. بيىل تەۋەلسٸزدٸكتٸڭ 25 جىلدىعىنا وراي, قالا الدىمەن تەۋەلسٸزدٸك مەرەكەسٸنە دايىندالىپ جاتىر.
استانا قالالىق مەدەنيەت باسقارماسىنان حابارلاعانداي, ەلوردادا جاڭا جىل مەرەكەسٸنە وراي بارلىعى 17 شىرشا ورناتىلىپ, تٶرت مۇز قالاشىعى بوي كٶتەرەدٸ. بٸر عانا ەسٸل اۋدانى مەن ٷركەر, قالاماڭى تۇرعىن القاپتارىندا 10 جاڭاجىلدىق شىرشا ورناتۋ جوسپارلانعان.
بيىلعى جاڭاجىلدىق بەزەندٸرۋدٸڭ باستى نىشانى - تاۋىق قانا ەمەس, ەلٸمٸزدٸڭ باستى وقيعاسى - ەكسپو كٶرمەسٸ دە بولادى. ايتا كەتەيٸك, استانادا اشىق اسپان استىنداعى ەڭ ٷلكەن مۇز ايدىنى «اراي» ساياباعىندا سالىنۋدا. 250 ادامعا ارنالعان مۇز ايدىنىنىڭ جالپى اۋماعى - 5 مىڭ شارشى مەتر.
.jpeg)