Biyl 150 myńnan astam otbasy turǵyn úi jaǵdaiyn jaqsartady. Bul týraly QR IIDM Qurylys jáne turǵyn úi kommýnaldyq sharýashylyq ister komitetiniń tóraǵasy Marhabat Jaiymbetov aitty, dep habarlaidy QazAqparat.
«Biyl 15 mln sharshy metr turǵyn úi salý boiynsha mindetteme qabyldadyq. Memlekettik investitsiialar esebinen 150 myńnan astam otbasy turǵyn úi jaǵdailaryn jaqsartady. Onyń ishinde shamamen 39 myń otbasy turǵyn úimen qamtamasyz etiletin bolady. Memlekettik qoldaý kólemi ótken jylmen salystyrǵanda 1,5 ese ósti», - dedi komitet tóraǵasy Ortalyq kommýnikatsiialar qyzmetindegi baspasóz máslihatynda.
Osy oraida ol biyl Memleket basshysynyń tapsyrmasy boiynsha kezekte turǵandardyń turǵyn úi máselelerin tezdetip sheshý úshin «5-10-20» pilottyq jobasyn iske asyrý bastalǵanyn aitty.
«Ulttyq bank 390 mlrd teńge bóldi. Onyń ishinde kredittik turǵyn úi salý úshin óńirlerge 180 mlrd teńge aýdaryldy. Barlyǵy 15,2 myń páter salý josparlanǵan. «5-10-20» baǵdarlamasynyń sharttary boiynsha kezekte turǵandarǵa kredit berý úshin 210 mlrd teńge Turǵynúiqurylysbankine aýdaryldy. 90 mlrd teńge mólsherindegi birinshi transh tamyz aiynda bólindi, 35 mlrd teńge somasynda 2,6 myń qaryz berildi«, - dedi Marhabat Jaiymbetov.
