بيىل 150 مىڭنان استام وتباسى تۇرعىن ٷي جاعدايىن جاقسارتادى. بۇل تۋرالى قر ييدم قۇرىلىس جەنە تۇرعىن ٷي كوممۋنالدىق شارۋاشىلىق ٸستەر كوميتەتٸنٸڭ تٶراعاسى مارحابات جايىمبەتوۆ ايتتى, دەپ حابارلايدى قازاقپارات.
«بيىل 15 ملن شارشى مەتر تۇرعىن ٷي سالۋ بويىنشا مٸندەتتەمە قابىلدادىق. مەملەكەتتٸك ينۆەستيتسييالار ەسەبٸنەن 150 مىڭنان استام وتباسى تۇرعىن ٷي جاعدايلارىن جاقسارتادى. ونىڭ ٸشٸندە شامامەن 39 مىڭ وتباسى تۇرعىن ٷيمەن قامتاماسىز ەتٸلەتٸن بولادى. مەملەكەتتٸك قولداۋ كٶلەمٸ ٶتكەن جىلمەن سالىستىرعاندا 1,5 ەسە ٶستٸ», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
وسى ورايدا ول بيىل مەملەكەت باسشىسىنىڭ تاپسىرماسى بويىنشا كەزەكتە تۇرعانداردىڭ تۇرعىن ٷي مەسەلەلەرٸن تەزدەتٸپ شەشۋ ٷشٸن «5-10-20» پيلوتتىق جوباسىن ٸسكە اسىرۋ باستالعانىن ايتتى.
«ۇلتتىق بانك 390 ملرد تەڭگە بٶلدٸ. ونىڭ ٸشٸندە كرەديتتٸك تۇرعىن ٷي سالۋ ٷشٸن ٶڭٸرلەرگە 180 ملرد تەڭگە اۋدارىلدى. بارلىعى 15,2 مىڭ پەتەر سالۋ جوسپارلانعان. «5-10-20» باعدارلاماسىنىڭ شارتتارى بويىنشا كەزەكتە تۇرعاندارعا كرەديت بەرۋ ٷشٸن 210 ملرد تەڭگە تۇرعىنٷيقۇرىلىسبانكٸنە اۋدارىلدى. 90 ملرد تەڭگە مٶلشەرٸندەگٸ بٸرٸنشٸ ترانش تامىز ايىندا بٶلٸندٸ, 35 ملرد تەڭگە سوماسىندا 2,6 مىڭ قارىز بەرٸلدٸ«, - دەدٸ مارحابات جايىمبەتوۆ.
