Bishkekte COVID-19 virýsyna qaita juqtyrýdyń 2 jaǵdaiy anyqtaldy. Bul týraly qalanyń Memlekettik sanitarlyq-epidemiologiialyq qadaǵalaý ortalyǵynyń (MSEQO) bas dárigeri Kýban Kýndashev málim etti, dep habarlaidy Kabar agenttigi.
Bas dárigerdiń aitýynsha, qazirgi ýaqytta qaita anyqtalǵan koronavirýs jaǵdailary men aýrýhanadan tys pnevmoniianyń sany týraly naqty málimetter joq.
«Biraq el astanasynda resmi túrde rastalǵan koronavirýsty qaita juqtyrýdyń eki jaǵdaiy anyqtalǵan. Biraq meniń bilýimshe, olardyń sany jetige jetken bolýy kerek», - dedi ol.
Sondai-aq ortalyq basshysy qaita juqtyrýdyń alǵashqy oqiǵasy er adamnan zerthanalyq túrde anyqtalǵanyn, ekinshi kornavirýsqa qaita shaldyqqan qala turǵyny aýrýhanadan tys pnevmoniiamen aýyryp shyqqanyn aitty. Onyń buryn aýrý órship turǵan kezde ókpesi 25%-ǵa zaqymdansa, qazir 65%-ǵa jetken.
