بٸشكەكتە COVID-19 ۆيرۋسىنا قايتا جۇقتىرۋدىڭ 2 جاعدايى انىقتالدى. بۇل تۋرالى قالانىڭ مەملەكەتتٸك سانيتارلىق-ەپيدەميولوگييالىق قاداعالاۋ ورتالىعىنىڭ (مسەقو) باس دەرٸگەرٸ كۋبان كۋنداشەۆ مەلٸم ەتتٸ, دەپ حابارلايدى كابار اگەنتتٸگٸ.
باس دەرٸگەردٸڭ ايتۋىنشا, قازٸرگٸ ۋاقىتتا قايتا انىقتالعان كوروناۆيرۋس جاعدايلارى مەن اۋرۋحانادان تىس پنەۆمونييانىڭ سانى تۋرالى ناقتى مەلٸمەتتەر جوق.
«بٸراق ەل استاناسىندا رەسمي تٷردە راستالعان كوروناۆيرۋستى قايتا جۇقتىرۋدىڭ ەكٸ جاعدايى انىقتالعان. بٸراق مەنٸڭ بٸلۋٸمشە, ولاردىڭ سانى جەتٸگە جەتكەن بولۋى كەرەك», - دەدٸ ول.
سونداي-اق ورتالىق باسشىسى قايتا جۇقتىرۋدىڭ العاشقى وقيعاسى ەر ادامنان زەرتحانالىق تٷردە انىقتالعانىن, ەكٸنشٸ كورناۆيرۋسقا قايتا شالدىققان قالا تۇرعىنى اۋرۋحانادان تىس پنەۆمونييامەن اۋىرىپ شىققانىن ايتتى. ونىڭ بۇرىن اۋرۋ ٶرشٸپ تۇرعان كەزدە ٶكپەسٸ 25%-عا زاقىمدانسا, قازٸر 65%-عا جەتكەن.
