6 qarashada Bishkekte parlament pen prezident apparaty ornalasqan "Aq úi" mańyndaǵy qorshaýlar alyna bastady.
Azattyqtyń Qyrǵyz qyzmetiniń habarlaýynsha, Jogorký keńesh qorshaýlaryn "Tazalyk" mýnitsipaldy kásiporny buzyp jatyr.
Qala meriniń mindetin atqarýshy Balbak Týlobaevtyń sózine qaraǵanda, mýnitsipalitetke parlament spikeri Talant Mamytovtan hat kelip túsken. Ákimdik ókilderi sol hatta jazylǵan sheshimdi oryndap jatqanyn aitqan. Biraq Sáýir revoliýtsiiasynda qaza bolǵandarǵa arnalǵan memorial taqta bekitilgen qorshaý buzylmaidy.
4 qarashada Jogorký keńesh spikeri bolyp sailanǵan Talant Mamytov "bilik halyqpen jaqyn bolýy kerek" dep málimdep, parlament mańyndaǵy qorshaýdy buzý qajettigin aitqan edi.
Aq úi mańyna temir sharbaqtar 1997 jyly Asqar Aqaev basqaryp turǵan kezde ornatylǵan.
