6 قاراشادا بٸشكەكتە پارلامەنت پەن پرەزيدەنت اپپاراتى ورنالاسقان "اق ٷي" ماڭىنداعى قورشاۋلار الىنا باستادى.
ازاتتىقتىڭ قىرعىز قىزمەتٸنٸڭ حابارلاۋىنشا, جوگوركۋ كەڭەش قورشاۋلارىن "تازالىك" مۋنيتسيپالدى كەسٸپورنى بۇزىپ جاتىر.
قالا مەرٸنٸڭ مٸندەتٸن اتقارۋشى بالباك تۋلوباەۆتىڭ سٶزٸنە قاراعاندا, مۋنيتسيپاليتەتكە پارلامەنت سپيكەرٸ تالانت مامىتوۆتان حات كەلٸپ تٷسكەن. ەكٸمدٸك ٶكٸلدەرٸ سول حاتتا جازىلعان شەشٸمدٸ ورىنداپ جاتقانىن ايتقان. بٸراق سەۋٸر رەۆوليۋتسيياسىندا قازا بولعاندارعا ارنالعان مەموريال تاقتا بەكٸتٸلگەن قورشاۋ بۇزىلمايدى.
4 قاراشادا جوگوركۋ كەڭەش سپيكەرٸ بولىپ سايلانعان تالانت مامىتوۆ "بيلٸك حالىقپەن جاقىن بولۋى كەرەك" دەپ مەلٸمدەپ, پارلامەنت ماڭىنداعى قورشاۋدى بۇزۋ قاجەتتٸگٸن ايتقان ەدٸ.
اق ٷي ماڭىنا تەمٸر شارباقتار 1997 جىلى اسقار اقاەۆ باسقارىپ تۇرعان كەزدە ورناتىلعان.
