Foto: Pexels.com
Ǵylym jáne joǵary bilim ministri ýaqyt beldeýin ózgertýge qatysty zertteýdiń qalai júrgiziletinin aityp berdi. Májilis kýlýarynda Saiasat Nurbek qazaqstandyqtar arasynda ýaqyt aýystyrý boiynsha saýalnama ne úshin qajet bolǵanyn túsindirdi, dep habarlaidy Ult.kz Orda.kz Telegram arnasyna silteme jasap.
«Saýalnama — zertteýdiń bir ǵana bóligi, sonyń aiasynda 200 myń adamdy qamtýdy josparlaǵan edik. Bul maqsatqa jettik. Endi ýaqyt aýystyrýdyń qazaqstandyqtardyń densaýlyǵyna áserin taldaimyz, nátijelerdi jalpy zertteý aiasynda biriktiremiz», — dep túsindirdi ministr.
Spikerdiń aitýynsha, jyl sońyna deiin ǵylymi granttar konkýrsy ótkizilip, ǵylymi-tehnikalyq komissiia zertteýge qansha qarajat qajet ekenin anyqtaidy.
Saiasat Nurbek buǵan deiin bul maqsatqa Densaýlyq saqtaý ministrligi 160 million teńge suratqanyn málimdegen.
Ministrdiń aitýynsha, zertteýdiń barlyq kezeńi ashyq júrgiziledi.
