Densaýlyq saqtaý ministrliginiń burynǵy basshysy Eljan Birtanovtyń advokaty Nurlan Beisekeev sot otyrysynda Nur-Sultan qalasynyń №2 Saryarqa aýdandyq sotynyń sýdiasy Ibragim Álkenovke qarsy shaǵym bildirdi, dep habarlaidy QazAqparat.
«Sot alqasy zań buzý faktisin rastap, prokýratýraǵa qujattardy aǵylshyn tiline aýdarý, olardy materialdarǵa qosý, baǵalaý arqyly buzýshylyqtardy joiýdy, sodan keiin ǵana sotqa deiingi is júrgizý satysynda sheshim qabyldaýdy mindettegen.
Úsh túrli sheshim bolýy múmkin – qylmystyq isti toqtatý, qylmystyq qýdalaýdy jalǵastyrý nemese osy is jónindegi óndiristi ýaqytsha toqtata turý. Sot alqasy Bas prokýratýrany osy nusqaýlardy oryndaýǵa mindettegen. Konstitýtsiianyń 76-baby 3-bóligi boiynsha sot qaýlylary Qazaqstan aýmaǵynda oryndalýǵa mindetti. Ókinishke qarai, sýdia Álkenov Konstitýtsiianyń osy talabyn oryndaýdan bas tartty. Qysqartyp aitsaq, bul – qylmystyq sot óndirisiniń protsedýrasyn buzý», - dep túsindirdi ol bul talabyn BAQ ókilderine.
Sýdia Ábinur Qarabaev úzilisten keiin qorǵaýshy taraptyń talaby oryndalmaitynyn málim etti.
«Advokat Beisekeevtiń sýdiia Álkenovtiń osy iske tóraǵalyq etýine bildirgen qarsylyǵy týraly ótinishi keri qaitarylsyn. Qaýly shaǵymdanýǵa jatpaidy. Qaýlymen kelispeitini týraly ýájderdi apelliatsiialyq shaǵym men prokýratýra ótinishine engizýge bolady», - dedi narazylyq bildirý týraly shaǵymdy qaraǵan sýdia Ábinur Qarabaev.
Onyń aitýynsha, sot sýdia Ibragim Álkenovtiń osy qylmystyq iske múddeliligi týraly dálelderdi tyńdap, oǵan qarsylyq bildiretindei negiz tappaǵan.
«Sýdia Álkenovtiń negizgi sot isin júrgizýi taǵaiyndalýy onyń bul iske tikelei nemese janama túrde qyzyǵýshylyq tanytýyna nemese memlekettik aiyptaýdyń, protsestiń basqa qatysýshylarynyń qysymyna ushyraýyna negiz emes. Bul jaǵdaida qorǵaýshy tarap talap etip otyrǵan aýdarmany sot qabyrǵasynda oryndaýǵa bolady. Sýdia Álkenov aýdarmashy taǵaiyndap, búkil materialdy aýdarmaǵa usynady», - dedi sýdia.
Aita keteiik, búgin sýdia Ibragim Álkenov Eljan Birtanovtyń advokattary negizgi sot otyrysyna tartylǵan memlekettik aiyptaýshylar men Densaýlyq saqtaý ministrligi ókiline bildirgen qarsylyqty qabyldamai tastaǵan edi.
Burynǵy densaýlyq saqtaý ministri Eljan Birtanov 2020 jyldyń 3 qarashasynda biýdjet qarajatyn ysyrap etti degen kúdikpen qamaýǵa alynǵan bolatyn.
Tergeý materialy boiynsha, Eljan Birtanov pen onyń kómekshisi bolǵan Oljas Ábishevke «laýazymdyq ókiletin teris paidalaný» arqyly memleketke 1,5 mlrd teńgeniń shyǵyny keltirgeni týraly aiyp taǵylyp otyr.
Al biyl 12 mamyrda sot Eljan Birtanovqa qatysty qylmystyq isti toqtatýdan bas tartqan edi.
