دەنساۋلىق ساقتاۋ مينيسترلٸگٸنٸڭ بۇرىنعى باسشىسى ەلجان بٸرتانوۆتىڭ ادۆوكاتى نۇرلان بەيسەكەەۆ سوت وتىرىسىندا نۇر-سۇلتان قالاسىنىڭ №2 سارىارقا اۋداندىق سوتىنىڭ سۋدياسى يبراگيم ەلكەنوۆكە قارسى شاعىم بٸلدٸردٸ, دەپ حابارلايدى قازاقپارات.
«سوت القاسى زاڭ بۇزۋ فاكتٸسٸن راستاپ, پروكۋراتۋراعا قۇجاتتاردى اعىلشىن تٸلٸنە اۋدارۋ, ولاردى ماتەريالدارعا قوسۋ, باعالاۋ ارقىلى بۇزۋشىلىقتاردى جويۋدى, سودان كەيٸن عانا سوتقا دەيٸنگٸ ٸس جٷرگٸزۋ ساتىسىندا شەشٸم قابىلداۋدى مٸندەتتەگەن.
ٷش تٷرلٸ شەشٸم بولۋى مٷمكٸن – قىلمىستىق ٸستٸ توقتاتۋ, قىلمىستىق قۋدالاۋدى جالعاستىرۋ نەمەسە وسى ٸس جٶنٸندەگٸ ٶندٸرٸستٸ ۋاقىتشا توقتاتا تۇرۋ. سوت القاسى باس پروكۋراتۋرانى وسى نۇسقاۋلاردى ورىنداۋعا مٸندەتتەگەن. كونستيتۋتسييانىڭ 76-بابى 3-بٶلٸگٸ بويىنشا سوت قاۋلىلارى قازاقستان اۋماعىندا ورىندالۋعا مٸندەتتٸ. ٶكٸنٸشكە قاراي, سۋديا ەلكەنوۆ كونستيتۋتسييانىڭ وسى تالابىن ورىنداۋدان باس تارتتى. قىسقارتىپ ايتساق, بۇل – قىلمىستىق سوت ٶندٸرٸسٸنٸڭ پروتسەدۋراسىن بۇزۋ», - دەپ تٷسٸندٸردٸ ول بۇل تالابىن باق ٶكٸلدەرٸنە.
سۋديا ەبينۇر قاراباەۆ ٷزٸلٸستەن كەيٸن قورعاۋشى تاراپتىڭ تالابى ورىندالمايتىنىن مەلٸم ەتتٸ.
«ادۆوكات بەيسەكەەۆتٸڭ سۋدييا ەلكەنوۆتٸڭ وسى ٸسكە تٶراعالىق ەتۋٸنە بٸلدٸرگەن قارسىلىعى تۋرالى ٶتٸنٸشٸ كەرٸ قايتارىلسىن. قاۋلى شاعىمدانۋعا جاتپايدى. قاۋلىمەن كەلٸسپەيتٸنٸ تۋرالى ۋەجدەردٸ اپەللياتسييالىق شاعىم مەن پروكۋراتۋرا ٶتٸنٸشٸنە ەنگٸزۋگە بولادى», - دەدٸ نارازىلىق بٸلدٸرۋ تۋرالى شاعىمدى قاراعان سۋديا ەبينۇر قاراباەۆ.
ونىڭ ايتۋىنشا, سوت سۋديا يبراگيم ەلكەنوۆتٸڭ وسى قىلمىستىق ٸسكە مٷددەلٸلٸگٸ تۋرالى دەلەلدەردٸ تىڭداپ, وعان قارسىلىق بٸلدٸرەتٸندەي نەگٸز تاپپاعان.
«سۋديا ەلكەنوۆتٸڭ نەگٸزگٸ سوت ٸسٸن جٷرگٸزۋٸ تاعايىندالۋى ونىڭ بۇل ٸسكە تٸكەلەي نەمەسە جاناما تٷردە قىزىعۋشىلىق تانىتۋىنا نەمەسە مەملەكەتتٸك ايىپتاۋدىڭ, پروتسەستٸڭ باسقا قاتىسۋشىلارىنىڭ قىسىمىنا ۇشىراۋىنا نەگٸز ەمەس. بۇل جاعدايدا قورعاۋشى تاراپ تالاپ ەتٸپ وتىرعان اۋدارمانى سوت قابىرعاسىندا ورىنداۋعا بولادى. سۋديا ەلكەنوۆ اۋدارماشى تاعايىنداپ, بٷكٸل ماتەريالدى اۋدارماعا ۇسىنادى», - دەدٸ سۋديا.
ايتا كەتەيٸك, بٷگٸن سۋديا يبراگيم ەلكەنوۆ ەلجان بٸرتانوۆتىڭ ادۆوكاتتارى نەگٸزگٸ سوت وتىرىسىنا تارتىلعان مەملەكەتتٸك ايىپتاۋشىلار مەن دەنساۋلىق ساقتاۋ مينيسترلٸگٸ ٶكٸلٸنە بٸلدٸرگەن قارسىلىقتى قابىلداماي تاستاعان ەدٸ.
بۇرىنعى دەنساۋلىق ساقتاۋ مينيسترٸ ەلجان بٸرتانوۆ 2020 جىلدىڭ 3 قاراشاسىندا بيۋدجەت قاراجاتىن ىسىراپ ەتتٸ دەگەن كٷدٸكپەن قاماۋعا الىنعان بولاتىن.
تەرگەۋ ماتەريالى بويىنشا, ەلجان بٸرتانوۆ پەن ونىڭ كٶمەكشٸسٸ بولعان ولجاس ەبٸشەۆكە «لاۋازىمدىق ٶكٸلەتٸن تەرٸس پايدالانۋ» ارقىلى مەملەكەتكە 1,5 ملرد تەڭگەنٸڭ شىعىنى كەلتٸرگەنٸ تۋرالى ايىپ تاعىلىپ وتىر.
ال بيىل 12 مامىردا سوت ەلجان بٸرتانوۆقا قاتىستى قىلمىستىق ٸستٸ توقتاتۋدان باس تارتقان ەدٸ.
