Qatty aiazǵa bailanysty Qazaqstannyń birneshe oblysyndaǵy mektepterde seisenbi kúni de sabaq toqtady. 23 qańtarda aiaz kúsheigendikten Soltústik Qazaqstan men Shyǵys Qazaqstan oblystarynda jáne Astanada 1-11 synyp oqýshylary men kolledjdiń 1-2 kýrs stýdentterine sabaq bolmaidy. «Qazgidromet» ortalyǵynyń habarlaýynsha, bul óńirlerde aýa temperatýrasy túnde -35, -38 gradýsqa deiin jetken.
Pavlodar jáne Qaraǵandy oblystarynda jáne Qostanaida 1-11 synyp oqýshylaryna sabaq toqtatyldy.
Qazaqstannyń soltústigi men shyǵysyndaǵy oblystarda aiazdyń kúsheiýinen 22 qańtardan beri mektepterde sabaq toqtatylyp jatyr.
Aita keteiik, "Qazgidromet" 22-26 qańtar arasynda Qazaqstannyń birneshe oblysynda kúndiz -30-35, túnde -40-45 gradýsqa deiin aiaz bolatynyn eskertken edi.
