Elordada koronavirýspen aýyrǵan 119 adam statsionarda em alyp jatyr. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Timýr Muratov málim etti, dep habarlaidy QazAqparat.
«Qalada indetke shaldyqqandar sany 14 710 adamǵa jetti, onyń ishinde 14 069 adam nemese 96 paiyzy jazylyp shyqty. Qaitys bolǵandar sany - 318 (2,2%). 119 adam statsionarda em alýdy jalǵastyrýda. Onyń ishinde 114-i infektsiialyq aýrýhanada, qalǵandary karantin statsionarynda», - dedi T. Muratov onlain rejimde ótken koronavirýs infektsiiasynyń aldyn alý sharalary boiynsha baspasóz máslihatynda.
Onyń aitýynsha, 1020 oryny bar 7 aýrýhana qyzmet jasaýda, onyń beseýi infektsiialyq (320 tósek), ekeýi karantindik (700 tósek).
«Jedel járdem qyzmetine qazir táýligine qala turǵyndarynan 1 500-den astam qońyraý shalynýda, sonyń ishinde úige shaqyrtylǵandar sany 1100-den asady. Al KVI boiynsha suraqtarmen telefon shalýdyń ortasha sany 14-ke jetip otyr», - dedi basqarma basshysy.
Onyń sózine qaraǵanda, qalada 6 qazan men 5 qarasha aralyǵynda 153 reis qabyldandy, iaǵni bul shamamen 18 myńǵa jýyq jolaýshy. Olardyń arasynda 3 028 jolaýshy karantin statsionaryna jatqyzylyp, sonyń beseýinde indet anyqtaldy.
