ەلوردادا كوروناۆيرۋسپەن اۋىرعان 119 ادام ستاتسيوناردا ەم الىپ جاتىر. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ مەلٸم ەتتٸ, دەپ حابارلايدى قازاقپارات.
«قالادا ٸندەتكە شالدىققاندار سانى 14 710 ادامعا جەتتٸ, ونىڭ ٸشٸندە 14 069 ادام نەمەسە 96 پايىزى جازىلىپ شىقتى. قايتىس بولعاندار سانى - 318 (2,2%). 119 ادام ستاتسيوناردا ەم الۋدى جالعاستىرۋدا. ونىڭ ٸشٸندە 114-ٸ ينفەكتسييالىق اۋرۋحانادا, قالعاندارى كارانتين ستاتسيونارىندا», - دەدٸ ت. مۇراتوۆ ونلاين رەجيمدە ٶتكەن كوروناۆيرۋس ينفەكتسيياسىنىڭ الدىن الۋ شارالارى بويىنشا باسپاسٶز مەسليحاتىندا.
ونىڭ ايتۋىنشا, 1020 ورىنى بار 7 اۋرۋحانا قىزمەت جاساۋدا, ونىڭ بەسەۋٸ ينفەكتسييالىق (320 تٶسەك), ەكەۋٸ كارانتيندٸك (700 تٶسەك).
«جەدەل جەردەم قىزمەتٸنە قازٸر تەۋلٸگٸنە قالا تۇرعىندارىنان 1 500-دەن استام قوڭىراۋ شالىنۋدا, سونىڭ ٸشٸندە ٷيگە شاقىرتىلعاندار سانى 1100-دەن اسادى. ال كۆي بويىنشا سۇراقتارمەن تەلەفون شالۋدىڭ ورتاشا سانى 14-كە جەتٸپ وتىر», - دەدٸ باسقارما باسشىسى.
ونىڭ سٶزٸنە قاراعاندا, قالادا 6 قازان مەن 5 قاراشا ارالىعىندا 153 رەيس قابىلداندى, ياعني بۇل شامامەن 18 مىڭعا جۋىق جولاۋشى. ولاردىڭ اراسىندا 3 028 جولاۋشى كارانتين ستاتسيونارىنا جاتقىزىلىپ, سونىڭ بەسەۋٸندە ٸندەت انىقتالدى.
