Foto: Istock
Shyǵys Qazaqstan oblysy mamandandyrylǵan tabiǵat qorǵaý prokýratýrasy memleketke orman qorynyń 169,7 gektar jerin qaitardy, dep habarlaidy «Ult aqparat» oblystyq prokýratýranyń baspasóz qyzmetine silteme jasap.
ShQO mamandandyrylǵan tabiǵat qorǵaý prokýratýrasy "Óskemen orman sharýashylyǵy" kommýnaldyq mekemesiniń qyzmetine tekserý júrgizdi. Saldarynan orman paidalanýshysy – "Qazaqstan Bipek Avto" AQ jalpy aýdany 150,7 gektar ýchaskesinde uzaq merzimdi orman paidalaný talaptaryn júieli túrde buzǵany anyqtaldy.
Sondai-aq ýákiletti organnyń kelisiminsiz jalpy aýmaǵy 19 gektar bolatyn ýchaskelerde qurylys jumystary júrgizilgen.
“Orman paidalanýshy órt qaýipsizdigi erejeleriniń talaptaryn saqtamaǵan, órtke qarsy is-sharalardy ýaqtyly oryndamaǵan, sharýashylyq qyzmetin orman biletinsiz júrgizgen", – dep habarlady oblys prokýratýrasynyń baspasóz qyzmeti.
Qabyldanǵan sharalar nátijesinde, sot sheshimimen uzaq merzimdi orman paidalanýdyń 13 sharty buzylyp, memlekettik orman qoryndaǵy 169,7 gektar jer memleketke qaitaryldy. Sot aktisi zańdy kúshine endi.
Buǵan deiin Shyǵys Qazaqstan oblysyndaǵy mektepterde memleket esebinen tamaqtanatyn oqýshylarǵa tamaq durys jetkizilmegenin jazdyq.
