فوتو: Istock
شىعىس قازاقستان وبلىسى مامانداندىرىلعان تابيعات قورعاۋ پروكۋراتۋراسى مەملەكەتكە ورمان قورىنىڭ 169,7 گەكتار جەرٸن قايتاردى, دەپ حابارلايدى «ۇلت اقپارات» وبلىستىق پروكۋراتۋرانىڭ باسپاسٶز قىزمەتٸنە سٸلتەمە جاساپ.
شقو مامانداندىرىلعان تابيعات قورعاۋ پروكۋراتۋراسى "ٶسكەمەن ورمان شارۋاشىلىعى" كوممۋنالدىق مەكەمەسٸنٸڭ قىزمەتٸنە تەكسەرۋ جٷرگٸزدٸ. سالدارىنان ورمان پايدالانۋشىسى – "قازاقستان بيپەك اۆتو" اق جالپى اۋدانى 150,7 گەكتار ۋچاسكەسٸندە ۇزاق مەرزٸمدٸ ورمان پايدالانۋ تالاپتارىن جٷيەلٸ تٷردە بۇزعانى انىقتالدى.
سونداي-اق ۋەكٸلەتتٸ ورگاننىڭ كەلٸسٸمٸنسٸز جالپى اۋماعى 19 گەكتار بولاتىن ۋچاسكەلەردە قۇرىلىس جۇمىستارى جٷرگٸزٸلگەن.
“ورمان پايدالانۋشى ٶرت قاۋٸپسٸزدٸگٸ ەرەجەلەرٸنٸڭ تالاپتارىن ساقتاماعان, ٶرتكە قارسى ٸس-شارالاردى ۋاقتىلى ورىنداماعان, شارۋاشىلىق قىزمەتٸن ورمان بيلەتٸنسٸز جٷرگٸزگەن", – دەپ حابارلادى وبلىس پروكۋراتۋراسىنىڭ باسپاسٶز قىزمەتٸ.
قابىلدانعان شارالار نەتيجەسٸندە, سوت شەشٸمٸمەن ۇزاق مەرزٸمدٸ ورمان پايدالانۋدىڭ 13 شارتى بۇزىلىپ, مەملەكەتتٸك ورمان قورىنداعى 169,7 گەكتار جەر مەملەكەتكە قايتارىلدى. سوت اكتٸسٸ زاڭدى كٷشٸنە ەندٸ.
بۇعان دەيٸن شىعىس قازاقستان وبلىسىنداعى مەكتەپتەردە مەملەكەت ەسەبٸنەن تاماقتاناتىن وقۋشىلارعا تاماق دۇرىس جەتكٸزٸلمەگەنٸن جازدىق.
