Bilim jáne ǵylym ministri Ashat Aimaǵambetov jataqhana salǵan kezde daiyn tiptik joba boiynsha jumys júrgizýi kerektigin eskertti, dep habarlaidy QazAqparat.
«Jataqhana boiynsha tiptik jobalar baiaǵydan bar. Áitse de, keibir JOO-lar qymbat eskiz ben jobalardy ázirlep alyp, qarajat surap, investorlardy izdep júr. Keibir JOO-nyń surap otyrǵan jataqhanalarynyń bir oryndyq baǵasy tipti páter qunynan qymbat. Olai bolýy múmkin emes! Intererlik jáne basqa bezendirý bári de sanitarlyq normaǵa sai bolýy kerek. Álbette eshkim bul jerde aqsha únemdelýi tiis dep otyrǵan joq. Dese de eń aldymen bizdiń tiptik jobalar boiynsha jumys júrgizý kerek», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministr mektep qurylysy boiynsha da osyndai eskertý jasady.
«Mektep boiynsha monitoring jasaý kerek. Osylai jumys júrgizip jatsaq, taǵy bireýleri 600, 900 oryndyq mektep salynýy kerektigin habarlaidy. Al ol jerde 1200 oryndyq mektep salýǵa múmkindik bar. Arada 3 ai ótkennen keiin dál sol jerde oqýshylardyń úsh aýysymmen oqyp jatqanyn kóremiz. Jer men kommýnikatsiia bar. Endeshe nelikten sol jerden birden úlken mektep sala salmadyq. Joq! 300 nemese 600 oryndyq salyp jatady, báribir. Barlyq qurylys jumystary áý basta maquldanýy kerek», - dedi ministr.
