بٸلٸم جەنە عىلىم مينيسترٸ اسحات ايماعامبەتوۆ جاتاقحانا سالعان كەزدە دايىن تيپتٸك جوبا بويىنشا جۇمىس جٷرگٸزۋٸ كەرەكتٸگٸن ەسكەرتتٸ, دەپ حابارلايدى قازاقپارات.
«جاتاقحانا بويىنشا تيپتٸك جوبالار باياعىدان بار. ەيتسە دە, كەيبٸر جوو-لار قىمبات ەسكيز بەن جوبالاردى ەزٸرلەپ الىپ, قاراجات سۇراپ, ينۆەستورلاردى ٸزدەپ جٷر. كەيبٸر جوو-نىڭ سۇراپ وتىرعان جاتاقحانالارىنىڭ بٸر ورىندىق باعاسى تٸپتٸ پەتەر قۇنىنان قىمبات. ولاي بولۋى مٷمكٸن ەمەس! ينتەرەرلٸك جەنە باسقا بەزەندٸرۋ بەرٸ دە سانيتارلىق نورماعا ساي بولۋى كەرەك. ەلبەتتە ەشكٸم بۇل جەردە اقشا ٷنەمدەلۋٸ تيٸس دەپ وتىرعان جوق. دەسە دە ەڭ الدىمەن بٸزدٸڭ تيپتٸك جوبالار بويىنشا جۇمىس جٷرگٸزۋ كەرەك», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ اپپاراتتىق وتىرىسىندا.
مينيستر مەكتەپ قۇرىلىسى بويىنشا دا وسىنداي ەسكەرتۋ جاسادى.
«مەكتەپ بويىنشا مونيتورينگ جاساۋ كەرەك. وسىلاي جۇمىس جٷرگٸزٸپ جاتساق, تاعى بٸرەۋلەرٸ 600, 900 ورىندىق مەكتەپ سالىنۋى كەرەكتٸگٸن حابارلايدى. ال ول جەردە 1200 ورىندىق مەكتەپ سالۋعا مٷمكٸندٸك بار. ارادا 3 اي ٶتكەننەن كەيٸن دەل سول جەردە وقۋشىلاردىڭ ٷش اۋىسىممەن وقىپ جاتقانىن كٶرەمٸز. جەر مەن كوممۋنيكاتسييا بار. ەندەشە نەلٸكتەن سول جەردەن بٸردەن ٷلكەن مەكتەپ سالا سالمادىق. جوق! 300 نەمەسە 600 ورىندىق سالىپ جاتادى, بەرٸبٸر. بارلىق قۇرىلىس جۇمىستارى ەۋ باستا ماقۇلدانۋى كەرەك», - دەدٸ مينيستر.
