Keshe memleket basshysy tapsyrmasyna sáikes keler jyldan bastap stýdentterdiń shákirtaqysy 25%-ǵa kóteriletinin aitty. Osy oraida QR Bilim jáne ǵylym ministri Ashat Aimaǵambetov qansha qarjy bólinetinin túsindirdi, dep – habarlaidy «Ult aqparat».
«Bir jyldy alyp qarasaq, JOO stýdentterine 13 mlrd teńge qarjy qajet. Al oǵan kolledj stýdentterin qossaq taǵy 5-6 mlrd teńge kerek. Iá, nátijesinde aitarlyqtai soma, degenmen bul mańyzdy sheshim. 2016 jyldan bastap stýdentterdiń shákirtaqysy kóterilgen, olar bul jańalyqty kóp kútti. Bizdiń stýdentter úshin bul úlken qoldaý bolyp tabylady» dedi A. Aimaǵambetov ministrlikte ótken baspasóz máslihatynda.
Ministrdiń málimdeýinshe, barlyq sanatqa jatatyn stýdentterdiń shákirtaqysy 25 paiyzǵa ósedi.
«Shákirtaqy kólemi barlyq stýdentter úshin kóteriletin bolady. Ózderińiz biletindei, bizde joǵary dárejeli shákirtaqy alatyn stýdentter bar. Odan bólek, múgedektigi bar, asyraýshysynan aiyrylǵan jandar bar. Iaǵni 25 paiyz barlyq stýdentterge qatysty», dedi ol.
Aita ketsek, búgin elordada ótken jastar jylynyń jabylý saltanaty men volonter jylynyń resmi ashylýy saltanatynda Memleket basshysy Qasym-Jomart Toqaev 2020 jyldyń 1 qańtarynan bastap stýdentterdiń shákirtaqysyn 25 paiyzǵa kóterýdi tapsyrdy.
