Foto: Freepik
Aýdandyq bilim bóliminiń laýazymdy tulǵalary 200 mln teńge jymqyrdy degen kúdikke ilindi, dep habarlaidy "Ult aqparat" Qyzylorda oblysy prokýratýrasynyń baspasóz qyzmetine silteme jasap.
"Qyzylorda oblysynyń prokýratýrasy Jańaqorǵan aýdandyq bilim bóliminiń laýazymdy tulǵalaryna qatysty qylmystyq isti tergep jatyr.
Prokýrorlar biýdjet qarajatyn bilim berý júiesinde jumys istemeitin tulǵalardyń esepshotyna zańsyz aýdarý faktilerin anyqtady.
Sonymen qatar jalǵan eńbekke jaramsyzdyq paraǵy men issapar shyǵyndary boiynsha biýdjet qarajatyn jymqyrý shemasy áshkerelendi.
Aýdandyq bilim bóliminiń laýazymdy tulǵalarynyń áreketterinen keltirilgen shyǵyn 200 mln teńgeni qurady" - delingen habarlamada.
Atalǵan derek boiynsha oblystyq prokýratýra Qylmystyq kodekstiń 189-babynyń 4-bóliginiń 2-tarmaǵy boiynsha sotqa deiingi tergep-tekserýdi bastady.
Aita keteiik, buǵan deiin prokýrorlar sol aýdandaǵy mektepterdiń esepshileri mektepterde jumys istemeitin tulǵalardyń esep shottaryna zańsyz aqsha aýdaryp, jymqyrǵanyn anyqtaǵan bolatyn.
Olarǵa qatysty qylmystyq ister sotqa jiberilip, keibirine qatysty aiyptaý úkimi shyǵaryldy.
