فوتو: Freepik
اۋداندىق بٸلٸم بٶلٸمٸنٸڭ لاۋازىمدى تۇلعالارى 200 ملن تەڭگە جىمقىردى دەگەن كٷدٸككە ٸلٸندٸ, دەپ حابارلايدى "ۇلت اقپارات" قىزىلوردا وبلىسى پروكۋراتۋراسىنىڭ باسپاسٶز قىزمەتٸنە سٸلتەمە جاساپ.
"قىزىلوردا وبلىسىنىڭ پروكۋراتۋراسى جاڭاقورعان اۋداندىق بٸلٸم بٶلٸمٸنٸڭ لاۋازىمدى تۇلعالارىنا قاتىستى قىلمىستىق ٸستٸ تەرگەپ جاتىر.
پروكۋرورلار بيۋدجەت قاراجاتىن بٸلٸم بەرۋ جٷيەسٸندە جۇمىس ٸستەمەيتٸن تۇلعالاردىڭ ەسەپشوتىنا زاڭسىز اۋدارۋ فاكتٸلەرٸن انىقتادى.
سونىمەن قاتار جالعان ەڭبەككە جارامسىزدىق پاراعى مەن ٸسساپار شىعىندارى بويىنشا بيۋدجەت قاراجاتىن جىمقىرۋ سحەماسى ەشكەرەلەندٸ.
اۋداندىق بٸلٸم بٶلٸمٸنٸڭ لاۋازىمدى تۇلعالارىنىڭ ەرەكەتتەرٸنەن كەلتٸرٸلگەن شىعىن 200 ملن تەڭگەنٸ قۇرادى" - دەلٸنگەن حابارلامادا.
اتالعان دەرەك بويىنشا وبلىستىق پروكۋراتۋرا قىلمىستىق كودەكستٸڭ 189-بابىنىڭ 4-بٶلٸگٸنٸڭ 2-تارماعى بويىنشا سوتقا دەيٸنگٸ تەرگەپ-تەكسەرۋدٸ باستادى.
ايتا كەتەيٸك, بۇعان دەيٸن پروكۋرورلار سول اۋدانداعى مەكتەپتەردٸڭ ەسەپشٸلەرٸ مەكتەپتەردە جۇمىس ٸستەمەيتٸن تۇلعالاردىڭ ەسەپ شوتتارىنا زاڭسىز اقشا اۋدارىپ, جىمقىرعانىن انىقتاعان بولاتىن.
ولارعا قاتىستى قىلمىستىق ٸستەر سوتقا جٸبەرٸلٸپ, كەيبٸرٸنە قاتىستى ايىپتاۋ ٷكٸمٸ شىعارىلدى.
