Youtube jelisinde qoǵam qairatkeri, tilshi-ǵalym Nurtas Ońdasynov týraly «Bilikten biik tulǵa» derekti filmi paida boldy, dep habarlaidy "Ult aqparat".
«Alyptar» seriiasymen túsirilip jatqan derekti filmder toptamasynyń bul jolǵy sany Nurtas Ońdasynovqa arnalypty. Filmniń avtory - Nazgúl Ábýturapova. Túsirilimi 2015 jyly bastalǵan týyndynyń kópshilik nazaryna usynylýyna Dúniejúzi qazaqtary qaýymdastyǵy atsalysqan. Uiym tóraǵasynyń birinshi orynbasary Zaýytbek Turysbekov «Bilikten biik tulǵa» filminiń ideiasyn usynyp, túsirilimge qoldaý kórsetken.
«HH ǵasyr alyptarynyń ishinde Nurtas Ońdasynovtyń óz orny bar. Filmde tarihi tulǵanyń qyzmet joly men eldik jolyndaǵy kúresi erekshe tolǵanyspen baiandalady», - deidi qaýymdastyqtyń baspasóz hatshysy Syrymbek Tóleýuly.
Onyń aitýynsha, «Alyptar» toptamasyna «kisendeýli jolbarys» atanǵan Jumabek Táshenov, Qanysh Sátbaev, Shahmardan Esenov, sondai-aq Ospan batyr Silámuly siiaqty tulǵalar týraly filmder engen.
Sonymen qatar, nebári 29 jasynda V.Leninge deiin baryp, 5,5 mln qazaq turyp jatqan jer aýmaǵyn bekittirgen Álimhan Ermekov pen Alash kósemderi týraly film túsirilmek.
.jpg)
