Youtube جەلٸسٸندە قوعام قايراتكەرٸ, تٸلشٸ-عالىم نۇرتاس وڭداسىنوۆ تۋرالى «بيلٸكتەن بيٸك تۇلعا» دەرەكتٸ فيلمٸ پايدا بولدى, دەپ حابارلايدى "ۇلت اقپارات".
«الىپتار» سەريياسىمەن تٷسٸرٸلٸپ جاتقان دەرەكتٸ فيلمدەر توپتاماسىنىڭ بۇل جولعى سانى نۇرتاس وڭداسىنوۆقا ارنالىپتى. فيلمنٸڭ اۆتورى - نازگٷل ەبۋتۇراپوۆا. تٷسٸرٸلٸمٸ 2015 جىلى باستالعان تۋىندىنىڭ كٶپشٸلٸك نازارىنا ۇسىنىلۋىنا دٷنيەجٷزٸ قازاقتارى قاۋىمداستىعى اتسالىسقان. ۇيىم تٶراعاسىنىڭ بٸرٸنشٸ ورىنباسارى زاۋىتبەك تۇرىسبەكوۆ «بيلٸكتەن بيٸك تۇلعا» فيلمٸنٸڭ يدەياسىن ۇسىنىپ, تٷسٸرٸلٸمگە قولداۋ كٶرسەتكەن.
«حح عاسىر الىپتارىنىڭ ٸشٸندە نۇرتاس وڭداسىنوۆتىڭ ٶز ورنى بار. فيلمدە تاريحي تۇلعانىڭ قىزمەت جولى مەن ەلدٸك جولىنداعى كٷرەسٸ ەرەكشە تولعانىسپەن باياندالادى», - دەيدٸ قاۋىمداستىقتىڭ باسپاسٶز حاتشىسى سىرىمبەك تٶلەۋۇلى.
ونىڭ ايتۋىنشا, «الىپتار» توپتاماسىنا «كٸسەندەۋلٸ جولبارىس» اتانعان جۇمابەك تەشەنوۆ, قانىش سەتباەۆ, شاحماردان ەسەنوۆ, سونداي-اق وسپان باتىر سٸلەمۇلى سيياقتى تۇلعالار تۋرالى فيلمدەر ەنگەن.
سونىمەن قاتار, نەبەرٸ 29 جاسىندا ۆ.لەنينگە دەيٸن بارىپ, 5,5 ملن قازاق تۇرىپ جاتقان جەر اۋماعىن بەكٸتتٸرگەن ەلٸمحان ەرمەكوۆ پەن الاش كٶسەمدەرٸ تۋرالى فيلم تٷسٸرٸلمەك.
.jpg)
