Nur-Sultan ákimi Altai Kólginov qurylys magnaty, BI Group basshysy Aidyn Rahymbaev jumystyń qunyn bilgen soń LRT baǵandaryn óz qarjysy esebinen buzýdan bas tartqanyn málimdedi, dep habarlaidy Sputnik Qazaqstan agenttigi.
Onyń aitýynsha, Nur-Sultannyń sol jaǵalaýynda ornatylǵan baǵandar berik ári sapaly betonnan jasalǵan.
"Árqaisynyń salmaǵy shamamen 200-220 tonna, arasyna armatýra salynǵan, betonnyń markasy óte joǵary. Qurylys jumystary kezinde sapasyn mamandar tekseredi. Tehnikalyq, avtorlyq qadaǵalaý jasaidy. Ol jerde kóptegen baqylaý bar", - dedi Kólginov Ortalyq kommýnikatsiialar qyzmetinde ótken brifingte.
Eske sala keteiik, qańtar aiynyń ortasynda BI Group basshysy LRT-ni óz qarajaty esebinen demontaj jasaýdy usynǵan bolatyn.
"BI qarjysy esebinen demontaj jasaýǵa daiynbyz", - dep jazdy Rahymbaev áleýmettik jelide.
Biraq, Kólginovtyń aitýynsha, Rahymbaev onyń qanshaǵa túsetinin bilgen soń bul ideiadan bas tartqan.
"Demontaj jasaýdy usynǵan adamdar tsifrdy kórgennen keiin bas tartty, oǵan 20 milliard teńgege jýyq qarjy kerek", - dep tolyqtyrdy ákim.
Aita keteri, LRT qurylysyn aiaqtaý úshin 577 million dollar kerek. Elorda ákimshiligi LRT qurylysyn aiaqtaý qajet dep esepteidi.
Qazirdiń ózinde 500-den astam LRT baǵany boi kótergen. Olardy buzý úshin 20 milliard teńgege jýyq qarjy qajet. Al LRT qurylysyna qomaqty qarjy jumsalyp qoiǵandyqtan (kelisimsharttyń quny 1,8 milliard dollar), baǵandardy buzý orynsyz.
