Búgin taldyqorǵandyqtar sán-saltanatpen qala kúnin toilap jatyr. 172 myńǵa jýyqtaǵan shahar turǵyndaryn Almaty oblysynyń ákimi Amandyq Batalov quttyqtap, jyly lebizin bildirdi, dep habarlaidy "Ult aqparat".
Búginde Taldyqorǵan qaryshtap damyp kele jatqan qala. Sońǵy segiz aida ónerkásip óniminiń kólemi 43,3 mlrd teńgege jetti. Qala ekonomikasyna 29,8 mlrd teńgeden astam investitsiia tartyldy. Oblys ortalyǵynda qurylys qarqyndy. Biyldyń ózinde «Nurly jer» baǵdarlamasy aiasynda 168 páterlik kommýnaldyq 64 páterlik nesielik úi paidalanýǵa berildi. Bul jóninde oblys ákimi óziniń quttyqtaýynda atap ótti. Igi dástúr boiynsha qalanyń ósip-órkendeýine úles qosqan, belsendi azamattarǵa «Taldyqorǵan qalasynyń qurmetti azamaty» ataǵy berildi. Olardyń qatarynda Qazaq kinosynyń altyn qorynan oryn alǵan «Taqiialy perishte» filmindegi Tailaqtyń rólin somdaǵan akter, QR Mádeniet qairatkeri, Almaty oblysynyń qurmetti azamaty Álimǵazy Smaǵululy Raiymbekov, «K LACTIS LTD» JShS basshysy, qalalyq máslihat depýtaty Baqyt Erǵazyuly Arqabaev, «Jetisý» oblystyq telearnasynyń direktory, halyqtyń súiikti habaryna ainalǵan «Aitýǵa ońai» baǵdarlamasynyń júrgizýshisi Beisen Abaiuly Quranbek jáne Rio Olimpiadasynyń júldegeri, aýyr atlet Karina Goricheva da bar.
