بٷگٸن تالدىقورعاندىقتار سەن-سالتاناتپەن قالا كٷنٸن تويلاپ جاتىر. 172 مىڭعا جۋىقتاعان شاھار تۇرعىندارىن الماتى وبلىسىنىڭ ەكٸمٸ اماندىق باتالوۆ قۇتتىقتاپ, جىلى لەبٸزٸن بٸلدٸردٸ, دەپ حابارلايدى "ۇلت اقپارات".
بٷگٸندە تالدىقورعان قارىشتاپ دامىپ كەلە جاتقان قالا. سوڭعى سەگٸز ايدا ٶنەركەسٸپ ٶنٸمٸنٸڭ كٶلەمٸ 43,3 ملرد تەڭگەگە جەتتٸ. قالا ەكونوميكاسىنا 29,8 ملرد تەڭگەدەن استام ينۆەستيتسييا تارتىلدى. وبلىس ورتالىعىندا قۇرىلىس قارقىندى. بيىلدىڭ ٶزٸندە «نۇرلى جەر» باعدارلاماسى اياسىندا 168 پەتەرلٸك كوممۋنالدىق 64 پەتەرلٸك نەسيەلٸك ٷي پايدالانۋعا بەرٸلدٸ. بۇل جٶنٸندە وبلىس ەكٸمٸ ٶزٸنٸڭ قۇتتىقتاۋىندا اتاپ ٶتتٸ. يگٸ دەستٷر بويىنشا قالانىڭ ٶسٸپ-ٶركەندەۋٸنە ٷلەس قوسقان, بەلسەندٸ ازاماتتارعا «تالدىقورعان قالاسىنىڭ قۇرمەتتٸ ازاماتى» اتاعى بەرٸلدٸ. ولاردىڭ قاتارىندا قازاق كينوسىنىڭ التىن قورىنان ورىن العان «تاقييالى پەرٸشتە» فيلمٸندەگٸ تايلاقتىڭ رٶلٸن سومداعان اكتەر, قر مەدەنيەت قايراتكەرٸ, الماتى وبلىسىنىڭ قۇرمەتتٸ ازاماتى ەلٸمعازى سماعۇلۇلى رايىمبەكوۆ, «K LACTIS LTD» جشس باسشىسى, قالالىق مەسليحات دەپۋتاتى باقىت ەرعازىۇلى ارقاباەۆ, «جەتٸسۋ» وبلىستىق تەلەارناسىنىڭ ديرەكتورى, حالىقتىڭ سٷيٸكتٸ حابارىنا اينالعان «ايتۋعا وڭاي» باعدارلاماسىنىڭ جٷرگٸزۋشٸسٸ بەيسەن ابايۇلى قۇرانبەك جەنە ريو وليمپياداسىنىڭ جٷلدەگەرٸ, اۋىر اتلەت كارينا گوريچەۆا دا بار.
