Besterektegi jol apatynan keiin komaǵa túsken qyz kóz jumdy

Foto: ashyq derekkóz

Abai oblysynyń Besterek aýylynda bolǵan qaiǵyly jol apatynyń saldarynan zardap shekken 9 jastaǵy qyz bir aiǵa jýyq es-tússiz jatyp, qaitys boldy, dep habarlaidy Ult.kz Eýraziia Birinshi arnasyna silteme jasap.

Dárigerlerdiń málimetinshe, ol aldymen Úrjar aýdandyq aýrýhanasyna jetkizilip, keiin sanitarlyq aviatsiianyń tikushaǵymen Semeidegi aýrýhanaǵa tasymaldanǵan. Alaida aýyr jaraqattar saldarynan qyz esin jimastan, kóz jumdy.

Buǵan deiin Prezidenttiń tapsyrmasy boiynsha, aman qalǵan úsh balaǵa shuǵyl meditsinalyq kómek kórsetý úshin oqiǵa ornyna áskeri ushaq jiberilgen edi. Jaǵdaiy turaqtanǵan soń eki bala sanitarlyq aviatsiia arqyly Astanaǵa jetkizilgen bolatyn.

Apat Abai oblysynyń Besterek aýylynda bolǵan. Úidiń janynda oinap júrgen balalardy avtokólik qaǵyp, birneshe bala aýyr jaralanǵan edi.