5 jyldyń ishinde 3 myń shaqyrymnan astam toptyq sý qubyrlary salynady. Bul týraly QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Jospar boiynsha 2025 jylǵa deiin 11 toptyq sý qubyry qaita jańartylyp, jóndeledi. Onyń ishinde birqatar sý qubyrlary uzartylady. Sonyń arqasynda 87 aýyldyq eldi meken taza aýyz sýmen qamtamasyz etiledi. Bul 104 myńǵa jýyq adamdy qamtidy», - dedi ol Senat Tóraǵasynyń orynbasary Asqar Shákirovtiń tóraǵalyǵymen ótip jatqan Úkimet saǵatynda.
Sonymen qatar, ministr 321 aýyldyń aýyz sý berý júiesi jańartylatynyn aitady.
«Bul óz kezeginde 525 myń adamdy qamtidy. 5 jyldyń ishinde 3 myń shaqyrymnan astam toptyq sý qubyry salynady. Aýyz sýmen qamtamasyz etý kórsetkishin 100 paiyzǵa deiin jetkizý josparlanyp otyr», - dedi Maǵzum Myrzaǵaliev.
