5 جىلدىڭ ٸشٸندە 3 مىڭ شاقىرىمنان استام توپتىق سۋ قۇبىرلارى سالىنادى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«جوسپار بويىنشا 2025 جىلعا دەيٸن 11 توپتىق سۋ قۇبىرى قايتا جاڭارتىلىپ, جٶندەلەدٸ. ونىڭ ٸشٸندە بٸرقاتار سۋ قۇبىرلارى ۇزارتىلادى. سونىڭ ارقاسىندا 87 اۋىلدىق ەلدٸ مەكەن تازا اۋىز سۋمەن قامتاماسىز ەتٸلەدٸ. بۇل 104 مىڭعا جۋىق ادامدى قامتيدى», - دەدٸ ول سەنات تٶراعاسىنىڭ ورىنباسارى اسقار شەكٸروۆتٸڭ تٶراعالىعىمەن ٶتٸپ جاتقان ٷكٸمەت ساعاتىندا.
سونىمەن قاتار, مينيستر 321 اۋىلدىڭ اۋىز سۋ بەرۋ جٷيەسٸ جاڭارتىلاتىنىن ايتادى.
«بۇل ٶز كەزەگٸندە 525 مىڭ ادامدى قامتيدى. 5 جىلدىڭ ٸشٸندە 3 مىڭ شاقىرىمنان استام توپتىق سۋ قۇبىرى سالىنادى. اۋىز سۋمەن قامتاماسىز ەتۋ كٶرسەتكٸشٸن 100 پايىزعا دەيٸن جەتكٸزۋ جوسپارلانىپ وتىر», - دەدٸ ماعزۇم مىرزاعاليەۆ.
