QR Energetika ministri Qanat Bozymbaev memlekettik organdardyń benzin baǵasynyń ósýin toqtatqysy keletinin aitty, - dep habarlaidy "Ult aqparat" kaz.tengrinews.kz portalyna silteme jasap.
"Biz osy másele boiynsha jumys istep jatyrmyz (benzin baǵasynyń ósýin toqtatý - avtor.)", - dedi ministr jýrnalisterge úkimet otyrysynan keiin.
Bozymbaevtyń aitýynsha, 2017 jyldyń ekinshi jartysynan bastap Shymkenttegi munai óńdeý zaýytyn paidalanýǵa berý arqyly benzin baǵasynyń ósýin toqtatýǵa bolady.
Sondai-aq, ministr qazaqstandyq janarmai baǵasynyń kórshi eldermen salystyrǵanda tómen ekenin aityp ótti.
"Men halyqtyń orta tabysyn benzin baǵasymen salystyryp otyrǵan joqpyn. Biraq eger sizder baǵany Reseimen salystyrsańyzdar, mysaly, onda A-92 benziny 180 teńge turady. Árine, baǵany Eýropamen salystyratyn bolsańyzdar, múlde bólek sandar shyǵady", - dedi ministr.
