قر ەنەرگەتيكا مينيسترٸ قانات بوزىمباەۆ مەملەكەتتٸك ورگانداردىڭ بەنزين باعاسىنىڭ ٶسۋٸن توقتاتقىسى كەلەتٸنٸن ايتتى, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"بٸز وسى مەسەلە بويىنشا جۇمىس ٸستەپ جاتىرمىز (بەنزين باعاسىنىڭ ٶسۋٸن توقتاتۋ - اۆتور.)", - دەدٸ مينيستر جۋرناليستەرگە ٷكٸمەت وتىرىسىنان كەيٸن.
بوزىمباەۆتىڭ ايتۋىنشا, 2017 جىلدىڭ ەكٸنشٸ جارتىسىنان باستاپ شىمكەنتتەگٸ مۇناي ٶڭدەۋ زاۋىتىن پايدالانۋعا بەرۋ ارقىلى بەنزين باعاسىنىڭ ٶسۋٸن توقتاتۋعا بولادى.
سونداي-اق, مينيستر قازاقستاندىق جانارماي باعاسىنىڭ كٶرشٸ ەلدەرمەن سالىستىرعاندا تٶمەن ەكەنٸن ايتىپ ٶتتٸ.
"مەن حالىقتىڭ ورتا تابىسىن بەنزين باعاسىمەن سالىستىرىپ وتىرعان جوقپىن. بٸراق ەگەر سٸزدەر باعانى رەسەيمەن سالىستىرساڭىزدار, مىسالى, وندا ا-92 بەنزينى 180 تەڭگە تۇرادى. ەرينە, باعانى ەۋروپامەن سالىستىراتىن بولساڭىزدار, مٷلدە بٶلەك ساندار شىعادى", - دەدٸ مينيستر.
