Foto: Aqorda
Memleket basshysy Serbiia Prezidenti Aleksandr Výchichpen shaǵyn quramda kelissóz júrgizdi, dep habarlaidy Ult.kz.
Qazaqstan Prezidenti retindegi Serbiiaǵa alǵashqy saparynyń máni erekshe ekenin aitty. Sonymen qatar bul sapar qazaq-serb qarym-qatynasynyń jańa kezeńine jol ashatynyn atap ótti. Ol kóktemde Qazaqstandy ábigerge salǵan tabiǵi apatty eske alyp, Aleksandr Výchichke qoldaý men yntymaqtastyǵy úshin rizashylyǵyn bildirdi.
Výchich Belgrad Qazaqstanmen ekonomikalyq bailanystardy, sonyń ishinde saýda, investitsiia sekildi basty baǵyttar boiynsha birlesken jobalardy júzege asyrý arqyly yqpaldastyqty odan ári tereńdetýge nietti ekenin aitty.
Eki el basshylary Qazaqstan men Serbiia arasyndaǵy qarym-qatynasty odan ári nyǵaitýdyń perspektivasyn, ekijaqty yntymaqtastyqtyń jańa baǵyttaryn talqylady. Budan bólek taraptar aimaqtyq jáne halyqaralyq kún tártibindegi ózekti máseleler boiynsha pikir almasty.
Osyǵan deiin Qasym-Jomart Toqaev Serbiiaǵa resmi saparmen barǵanyn jazǵan bolatynbyz.
