فوتو: اقوردا
مەملەكەت باسشىسى سەربييا پرەزيدەنتٸ الەكساندر ۆۋچيچپەن شاعىن قۇرامدا كەلٸسسٶز جٷرگٸزدٸ, دەپ حابارلايدى Ult.kz.
قازاقستان پرەزيدەنتٸ رەتٸندەگٸ سەربيياعا العاشقى ساپارىنىڭ مەنٸ ەرەكشە ەكەنٸن ايتتى. سونىمەن قاتار بۇل ساپار قازاق-سەرب قارىم-قاتىناسىنىڭ جاڭا كەزەڭٸنە جول اشاتىنىن اتاپ ٶتتٸ. ول كٶكتەمدە قازاقستاندى ەبٸگەرگە سالعان تابيعي اپاتتى ەسكە الىپ, الەكساندر ۆۋچيچكە قولداۋ مەن ىنتىماقتاستىعى ٷشٸن ريزاشىلىعىن بٸلدٸردٸ.
ۆۋچيچ بەلگراد قازاقستانمەن ەكونوميكالىق بايلانىستاردى, سونىڭ ٸشٸندە ساۋدا, ينۆەستيتسييا سەكٸلدٸ باستى باعىتتار بويىنشا بٸرلەسكەن جوبالاردى جٷزەگە اسىرۋ ارقىلى ىقپالداستىقتى ودان ەرٸ تەرەڭدەتۋگە نيەتتٸ ەكەنٸن ايتتى.
ەكٸ ەل باسشىلارى قازاقستان مەن سەربييا اراسىنداعى قارىم-قاتىناستى ودان ەرٸ نىعايتۋدىڭ پەرسپەكتيۆاسىن, ەكٸجاقتى ىنتىماقتاستىقتىڭ جاڭا باعىتتارىن تالقىلادى. بۇدان بٶلەك تاراپتار ايماقتىق جەنە حالىقارالىق كٷن تەرتٸبٸندەگٸ ٶزەكتٸ مەسەلەلەر بويىنشا پٸكٸر الماستى.
وسىعان دەيٸن قاسىم-جومارت توقاەۆ سەربيياعا رەسمي ساپارمەن بارعانىن جازعان بولاتىنبىز.
