Belgili jýrnalist, «Egemen Qazaqstan» gazetiniń ardageri Álisultan Qulanbai 64 jasynda jaryq dúniemen qoshtasty. Bul týraly "Ult aqparat" «Egemen Qazaqstan» gazetine silteme jasap habarlaidy.
Álisultan Muqanáliuly 1954 jyly 21 qańtarda Almaty oblysy Uiǵyr aýdany Úlkendiqan aýylynda dúnie esigin ashqan. 1961 jyly «Oktiabr» orta mektebiniń tabaldyryǵyn attap, 1974 jyly oqýyn támamdaidy. 1972-1974 jyldary Keńes áskeriniń qatarynda azamattyq boryshyn ótegen. Eńbek jolyn Uiǵyr aýdanyndaǵy «Oktiabr» kolhozynda kolhozshy bolyp bastaǵan. 1978-1979 jyldary Qazaq memlekettik ýniversitetiniń daiyndyq bóliminiń tyńdaýshysy, 1979-1984 jyldary osy oqý ornynyń jýrnalistika fakýltetinde bilim alǵan. 1984-1991 jyldary respýblikalyq «Eńbek tańy» jýrnalynda korrektor, aǵa redaktor bop qyzmet atqarǵan. 1991-1995 jyldary «Aýyl» («Dala didary») gazetinde tilshi, sektor meńgerýshisi, bólim redaktory, jaýapty hatshy bolǵan. 1995-1996 jyldary «Qazaqstan Respýblikasy Baǵaly qaǵazdar jónindegi ulttyq komissiianyń jarshysy» jýrnalynda jaýapty hatshy, bas redaktor qyzmetin abyroimen atqarǵan. 1996 jyldyń 1 naýryzynan bastap osy kúnge deiin «Egemen Qazaqstan» gazetinde qyzmet istegen.
