بەلگٸلٸ جۋرناليست, «ەگەمەن قازاقستان» گازەتٸنٸڭ ارداگەرٸ ەليسۇلتان قۇلانباي 64 جاسىندا جارىق دٷنيەمەن قوشتاستى. بۇل تۋرالى "ۇلت اقپارات" «Egemen Qazaqstan» گازەتٸنە سٸلتەمە جاساپ حابارلايدى.
ەليسۇلتان مۇقانەلٸۇلى 1954 جىلى 21 قاڭتاردا الماتى وبلىسى ۇيعىر اۋدانى ٷلكەنديقان اۋىلىندا دٷنيە ەسٸگٸن اشقان. 1961 جىلى «وكتيابر» ورتا مەكتەبٸنٸڭ تابالدىرىعىن اتتاپ, 1974 جىلى وقۋىن تەمامدايدى. 1972-1974 جىلدارى كەڭەس ەسكەرٸنٸڭ قاتارىندا ازاماتتىق بورىشىن ٶتەگەن. ەڭبەك جولىن ۇيعىر اۋدانىنداعى «وكتيابر» كولحوزىندا كولحوزشى بولىپ باستاعان. 1978-1979 جىلدارى قازاق مەملەكەتتٸك ۋنيۆەرسيتەتٸنٸڭ دايىندىق بٶلٸمٸنٸڭ تىڭداۋشىسى, 1979-1984 جىلدارى وسى وقۋ ورنىنىڭ جۋرناليستيكا فاكۋلتەتٸندە بٸلٸم العان. 1984-1991 جىلدارى رەسپۋبليكالىق «ەڭبەك تاڭى» جۋرنالىندا كوررەكتور, اعا رەداكتور بوپ قىزمەت اتقارعان. 1991-1995 جىلدارى «اۋىل» («دالا ديدارى») گازەتٸندە تٸلشٸ, سەكتور مەڭگەرۋشٸسٸ, بٶلٸم رەداكتورى, جاۋاپتى حاتشى بولعان. 1995-1996 جىلدارى «قازاقستان رەسپۋبليكاسى باعالى قاعازدار جٶنٸندەگٸ ۇلتتىق كوميسسييانىڭ جارشىسى» جۋرنالىندا جاۋاپتى حاتشى, باس رەداكتور قىزمەتٸن ابىرويمەن اتقارعان. 1996 جىلدىڭ 1 ناۋرىزىنان باستاپ وسى كٷنگە دەيٸن «ەگەمەن قازاقستان» گازەتٸندە قىزمەت ٸستەگەن.
